→ كل الوصفات

معجون البرتقال على طريقة امي

#حملة_التشجير هدي اقدم وصفة نتذكر امي كانت ديرها و للامانة ما ني مجربه غيرها هي لي نعرف

  • حبة برتقال كبيرة 🍊
  • حبة ليمون صغيرة 🍋
  • من 700 إلى 800 غ سكر
  • 800 مل ماء
  1. نغسل البرتقال و الليمونه و نشفهم و ندخلهم المجمد ليلة كاملة
  2. نسكرفج البرتقال و الليمون(نبرشهم) و من احسن تشديهم بطرشون او قفاز المطبخ لانهم بزاف باردين
  3. نضيف السكر و الماء انت تتحكمي فكميه الحلاوة تحبي 700 او 800غ سكر ثم ضيفي الماء و حركي مليح و حطي على نار هاديه
  4. لما يبدا يغلي نحي الرغوة لي في الجوانب هي ما تخلي المعجون يقعد مدة طويلة
  5. و كي يعقد شويه طفي عليه وخليه يبرد تماما قبل ما تحطيه في علب الزجاج و صحة وعافية 🍊🍋
عجبتك الوصفة؟
شوف كل وصفاتنا في مكان واحد
كل الوصفات →