→ كل الوصفات
#نسائم_رمضان #صوما _مقبولا
المقادير
- 200 مل حليب دافي
- 200 مل مياه دافية /100 مل زيت نباتي
- حبتين بيض نفصل البياض عن الصفار
- 150 غرام سكر /فيكم تتحكمو بالسكر حسب رغبتكم
- 1 ملعقة كبيرة خميرة فورية
- 2 ملاعق كبار فانيلا
- 750 غرام طحين
- رشة ملح
- 1 ملعقة صغيرة محلب
- 1 ملعقة وسط جوز هند مبروش
- 2 ملاعق وسط سمسم وحبة بركة
- 1 كوب صغير قطر
طريقة التحضير
- نبلش بإضافة الحليب والماء والسكر والزيت والبيض والخميرة وملعقة الفانيليا ونخفق لتدوب الخميرة والسكر
- نضيف المحلب والملح ونخلطهم ومن بعدها نضيف الطحين تدريجياً ونبلش نشكل العجينة
- لازم العجينة تكون طرية لهيك لازم ما نكتر طحين ونحن عم نشكل العجينة وبس تشكلت نمسح ايدنا بشوية زيت ونبلش نجمع ونكور العجينة ونتركها بمكان دافي للتخمير مدة ساعة
- نشغل الفرن مسبقاً ع حرارة 65، وندهن مكان يلي رح نشتغل بالعجين بالزيت ونبلش واول شي نضغط بأيدنا ع العجينة لنفضيها من الهوا ونبلش نشكل بالشكل يلي بدنا ياه
- بالطبقة التحتانية للفرن نحط وعاء فيه مياه مغلية ومن فوقها نحط صينية العجينة ونتركها مدة 45 دقيقة للاختمار الثاني
- من بعدها نفضي الفرن ونرفع الحرارة لل 200
- بطبق وسط نجيب صفار البيض ونضيف كمية قد الصفار حليب والفانيليا ونخلطن لندهن فيهم وجه العجينة ونرش حبة البركة والسمسم
- بس يحمى الفرن ندخل الصينية ونتركها مدة 20 دقيقة يعني ليحمر الوجه
- بعد ما نطالعهم من الفرن ندهن الوجه بالقطر ونرش جوز الهند
- وصحتين وهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد