→ كل الوصفات

معكرونة البشاميل الخطيرة

طريقة عمل معكرونة البشاميل الخطيرة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيس معكرونة قلم نصف كيلو
  • علبة قشطة
  • بقسماط ناعم مطحون
  • تسبيكة صلصة طماطم
  • 0.5 كيلو لحمة مفرومة
  • بصلة متوسطة مبشورة
  • حبة فلفل اخضر متقطعة صغير
  • رشة توابل لحمة
  • رشة فلفل اسمر
  • ملح حسب الرغبة
  • حبة طماطم متخرطة صغير
  • 5 معالق كبار دقيق
  • 3 معالق كبار زبدة
  • 4 كوب شوربة
  • 6 مكاييل لبن بودرة بستخدم نيدو
  • رشة فلفل اسمر وملح
  • بيضتان
  1. نسلق المعكرونة ونحط على ماء السليق رشة ملح بسيطة واهم حاجة المعكرونة نص سوى النقطة دي مهمة جداً وبعدين نحضر العصاج وطريقة عمل العصاج موجوده على صفحتي كذا مرة قبل كده
  2. البشاميل الطريقة دي تحفة بتخليه طعم جداً بنجيب الزبدة نحط عليها الدقيق يتحمر دقيقة وبعدين ننزل عليهم بكمية الشوربة اللي هي اربع كوبايات متدوب فيهم اللبن البودرة ونفضل نقلب لحد ما يتظبط قوامه وناخد بالنا ان الشوربة فيها ملح وتوابل فمنحطش كتير ولما نطفي عليه نسيبه يهدي شويه ونكسر فيه بيضتين
  3. بجيب الصينية ادهنها بشاميل ورشة بقسماط مطحون في القعر وبجيب المعكرونة المسلوقة احط عليها بشاميل وصلصة الطماطم واقلبهم حلو جداً واقسم كميتها نصفين نفرد نصف وبعدين ننزل بالعصاج وبعدين باقي المعكرونة واصب باقي البشاميل على وشها
  4. من التكات الحلوة للوجه بتاعها منحطش بيض خالص بجيب معلقتين كبار قشطة ومعلقة لبن وادوب القشطة فيها واصبها على وجهها مع رشة بقسماط مطحون واغطي الوجه كويس بتدي لون تحفة وقرمشة وادخلها الفرن رف اللي تحت على ٢٢٠ لمدة حوالي نصف ساعة وممكن نحتاج نشغل الشواية وبالف هنا 🌺
عجبتك الوصفة؟
شوف كل وصفاتنا في مكان واحد
كل الوصفات →