→ كل الوصفات

معكرونة بالبشاميل الداييييب

#التحدي_البرونزي #باللحمه_المفرومه

  • كيلو معكرونة قلم
  • 3 معالق زيت لسلق المعكرونه
  • ½ كيلو لحمة مفرومه من غير اي دهون
  • بصلتين كبار متقطعين في الكبه
  • 3 حبات طماطم متقطعين مكعبات
  • 3 معالق سمنه لتجهيز الحشو
  • توابل
  • ملح
  • شطه
  • كبيبة صيني
  • سماق
  • فلفل اسود
  • مكعب مرقة ضروري
  • البشاميل الدااايب في الفم
  • ت ملاعق سسمنه
  • 3 معالق دقيق منخول
  • ثلاث مكعبات جبنة كربمي
  • بيضه لدهان الوجه
  • لتر لبن او لتر شوربه بس الافضل لبن
  1. نبدأ بالحشو : نشوح البصل في السمنه بتلات ملاعق أو حسب ماتحتاج لحد ماتدبل وننزل باللحمه المفرومه لحد ماتنشف من الماء بتاعتها ونضيف السماق والكبيبه الصيني بمقدار رشه من كل منهم علشان يزود من لذاذة طعم اللحمة
  2. ننزل بالطماطم و باقي التوابل ونسيبهم على نور متوسطه اهم حاجه نغطيها خالص
  3. نجهز البشاميل : نقدح السمنه على النار وننزل بالدقيق ونقلبه لحد مايبقى لونه ذهبي ونقلل النار خالص وننزل باللبن أو الشوربه ونخلط معاها الجنة الكريمي ونقلب بمضرب يدوي لمنع التكتل لحد ماتدوب
  4. آخر خطوة عندي هيا سلق المعكرونه لانها لو سبناها في الماء السخنه حجمها هيتضاعف وهتعجن ولو صفيناها وغسلناها برده هنتخلص من كل النشا مش هتظبط
  5. نجيب الماء وتكون ثلثين الحله الواسعه ونضيف ملح وبعد الغليان نضيف ملعقة زيت واحده ونضيف المعكرونه ونغطيها ربع ساعة بالظبط ونطفي عليها وبسرعه نصفيها وتنزل عليها بالماء ونقلبها تحت الماء كل ده في دقيقتين تلاه بالكتير
  6. نبدأ بقى في الرص : نختار صينيه بحيث ان كمية المعكرونة واللحمه توصل لتلتين الصينيه علشان نقدر نتحكم فيها وتأخذ راحتها في الفرن
  7. ندهن الصينيه بتلات ملاعق بشاميل علشان ميلزقش مني بعد السوي
  8. نفرد نص كمية المعكرونة وعليها حبه زيادة لأن المعكرونة بيبتقي الاكتر من تحت بعدين نفرد اللحمة المتعصجه في النص وعليها كباية بشاميل و فوقيها باقي كمية المعكرونه ونفرد باقي البشاميل من فوق وفي النهايه نوزع البيضه بعد مانخلطها كويس برشة ملح وشطه وفلفل اسود وممكن بديل البيض جبنة موتزاريلا لو حابين وبالف هنا وشفا على قلبكم
  9. مدة السوى من نص ساعة لأربعين دقيقه اول ماتنتهي الفقاعات من الظهور وتقدم دافئة وتخرج على هيئة قطع متماسكه
عجبتك الوصفة؟
شوف كل وصفاتنا في مكان واحد
كل الوصفات →