→ كل الوصفات

معكرونة بالبشاميل والجبن المشكلة

#احنا_المصريين

  • 0.5 كيلو معكرونة قلم
  • ماء مغلية للسليق
  • 0.25 كيلو لحمة معصجة
  • 0.5 كيلو لبن
  • 5 معالق دقيق كبيرة
  • 3 معالق زبدة
  • علبة كريمة لبانى الربع كيلو
  • جبنة رومي مبشورة
  • جبنة شيدر مبشورة
  • جبنة موتزاريلا
  • جبنة نيستوا
  • 2 بيضة
  • ملح
  • فلفل أسود
  • كمون
  • كاري وبهارات مشكلة
  1. نسلق المعكرونة ونشيلها على جمب
  2. اللحمة المعصجة. عبارة عن لحمة مفرومة وبصل مفروم وجزر مبشور وفلفل مفروم وتوابل. نعملها ونشيلها على جمب
  3. البشاميل : نحط السمنة على نار هادية ونضيف الدقيق عليها. نقلبهم كويس باستمرار لحد ما يتجانسوا والدقيق يبقى لونه بنى فاتح
  4. نحط اللبن واحدة واحدة ونقلب بمضرب يدوي عشان ميكلكعش
  5. نحط الكريمة على اللبن ونقلب كويس
  6. لما الخليط يتقل نحط كل التوابل ونسيبه ياخذ غلوة واحنا بنقلب ونطفى النار
  7. نحط الجبن كلها مع خليط البشاميل ونقلب لحد ما تذوب خالص
  8. نأخذ جزء قليل من البشاميل ونحطه على المعكرونة ونقلبهم سوى وبعد كدة نحط اللحمة المعصجة مع المعكرونة ونقلب
  9. نجيب صينية ونحط المعكرونة مخلوطة باللحمة المفرومة فيها ونساويهم كويس في الصينية
  10. نحط باقي البشاميل كله على الوجه ونساوى كويس
  11. نخلط البيضتين مع ملح وفلفل أسود وكارى ونصب بالتساوى على صينية المعكرونة بالبشاميل. ندخلها الفرن على درجة حرارة 200. لحد ما وجه الصينية ياخذ لون ذهبي جميل وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →