→ كل الوصفات
#باللحم_المفروم
المقادير
- 🔹1 كيس معكرونة قلم (بينا)
- 🔹1/4 كيلو لحمة مفرومة
- 🔹2 كوب عصير طماطم
- 🔹2 ملعقة صلصة
- 🔹1 بصلة مفرومة
- 🔹3 فصوص ثوم مهروس
- 🔹3 ملاعق زيت
- 🔹1 ملعقة زبدة
- 🔹1/2 ملعقة ملح
- 🔹1/2 ملعقة فلفل أسود
- 🔹1/2 ملعقة بهارات لحمة
- 🔹1/2 ملعقة قرفة
- 🔹1/4 ملعقة سكر
- 🔹1 جزرة مبشورة
- 🔹3 ملاعق زبدة
- 🔹3 ملاعق دقيق
- 🔹3 كوب لبن
- 🔹1/2 ملعقة ملح
طريقة التحضير
- أولا نسلق المعكرونة في ماء مغلي مضاف إلية 1/2ملعقة ملح و٣ملاعق من الزيت حوالي ٧ دقائق وبعدين نشلها من الماء ونصفيها ونسبها تبرد ☺️
- نحضر اللحمة☺️بنجيب حلة صغيرة ونضع فيها الزيت والذبده ونضع عليهم البصلة المبشورة والثوم ونحمرها شوية وبعدين نضع اللحمة المفرومه ونقلبهم مع بعض ونضيف الفلفل الأسود والقرفة والبهارات والجزرة المبشورة ممكن تستغني عنها بس بجد بتديها طعم تحفة👌 ونقلبهم وبعد كدة نضيف عصير الطماطم والصلصة والسكر والملح ونسيب اللحمة على نار هادية لحد لما تتسبك☺️
- بالنسبة لصوص البشاميل:بنجيب حلة ونضع فيها الزبدة والدقيق ونقلبهم شوية مع بعض على النار وبعدين ننزل باللبن مع التقليب المستمر وبعد كدة نضيف الملح ونقلبهم لحد لما يتقل القوام ونشيلو من على النار بعد كدة☺️
- نجيب صينية بعد كدة وندهنها بالزيت ونضع نصف كمية المعكرونة ونضع عليها ٤ملاعق من البشاميل نوزعهم على المعكرونة الخطوة دي مهمه عشان بتخلي المعكرونة تمسك مع بعض وبعدين نضع اللحمة المفرومة ونوزعها كويس على المعكرونة
- وبعدين نضيف نصف كمية المعكرونة التاني وبعدين نضع عليها صوص البشاميل وندخلها الفرن على درجة حراره 200 ولما تستوي ووشها يتحمر بنخرجها من الفرن ولما تبرد بقطعها وقدميها بعد كدة بجد روعه جربيها هتعجبك جداً 🤗😍💓🌹
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد