→ كل الوصفات
#التحدي_الفضي
المقادير
- 500 جم معكرونة مسلوقة
- مقادير البشاميل
- 5 معالق دقيق
- 5 معالق زيت على سمنة
- كيلو لبن او ممكن لبن على شوربة
- ملح وفلفل
- مقادير العصاج
- 1/4 كيلو لحمة مفرومه
- بصلة متوسطه مقطعة
- 2 فلفل رومي مقطع
- 3 حبة طماطم مبشورة
- جبنة رومي مبشورة
طريقة التحضير
- هنحط طاسة على النار فيها ملعقة زيت ونحط الفلفل والبصل يتشوحوا وننزل باللحمة المفرومةتتشوح معاهم وبعدين ننزل بالطماطم المبشورة والملح والفلفل ونسيبهم يتعصجوا مع بعض
- هنجيب حلة وننزل فيها بالسمنه والزيت لحد ما يسخنوا وننزل عليهم بالدقيق لحد ما لونه يتغير بسيط وننزل عليه باللبن والملح والفلفل ونفضل نقلب لحد ما البشاميل قوامه يتظبط ونقسم البشاميل نصين نصه هنحط المعكرونه فيه ونقلبها كويس
- هنجيب صينية مقاس 30 وندهنها زيت وننزل فيها بشويه بشاميل من اللي احنا شيلناه ونحط المعكرونه وننزل بالعصاج نوزعه على المعكرونه ونرش شويه جبنة رومي وبعدين نكمل ونحط طبقة المعكرونه التانيه ونساويها ونحط بقية البشاميل ونحط عليه بقية الجبنة الرومي
- هندخلها الفرن على درجه حراره عاليه لحد ما تحمر من فوق وتحت وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد