→ كل الوصفات
طريقة عمل معكرونة بالبشاميل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيس معكرونة اي نوع
- 200 غ لحمة مفرومة متعصجة في بصلة وملح وفلفل وبهار لحمة
- لتر مياه لسلق المعكرونة
- لعمل البشاميل
- لتر حليب او اقل شوية
- 3 معالق دقيق
- مكعب مرقة اوكوب شوربه
- قليل جبنة نستو اي نوع
- رشة جبن شيدر
- رشة موزاريلا
- اربع ملاعق سمنة
- ملح
- فلفل اسود
- رشة بهار لحمة
- لصلصة للمكرونة
- نص كيس صلصة
- ربع كوب ماء
- سنة ثوم مفروم
- فلفل اسود
طريقة التحضير
- بحضر اول حاجة البشاميل بعمله على البارد عشان مش يكلكع بضيف الدقيق والسمنة على اللبن على البارد واقلبه كويس وبعدين احطه على النار واضيف الجبنة والمرقة او الشوربة بيكون قوامه متوسط مش خفيف وممكن تظبطى القوام باضافة حليب او شوربة
- يتقل اقفل النار واجهز الصلصة عشان بس تدى لون ونكهة بسيطة للمكرونة مش عايزينها غامقة وفي ناس مبتعملهاش لكن انا بفضلها بحط الثوم فمعلقة الزيت واقلب يصفر بحط بهاراتى ملح فلفل بهار لحمة ورشة بصل بودرة والمية دقيقتين هيتقل اطفي النار
- بكون مجهزة اللحمة المفرومة قبلها بعصجها ببصلة مبشورة في الزيت تصفر احط اللحمة واقلب والبهارات بتاعتها وممكن رشة زنجبيل لسرعة النضح او نقطتين خل وشوية ماء هتستوى بعد نص ساعة تقريباً ميتها هتنشف وريحتها تطلع اطفي واخر حاجة اسلق المعكرونة في الماء تستوي خالص اصفيها مالمية واضيفلها الصلصة هقلبها هتبقى بينك كدة مش غامقة
- وناخد بالنا من الملح لان كل مكون عليه ملح فلازم نظبطه بالنظر او المذاق غير المرقة كمان بتكون فيها ملح كتير
- نرص القارب الاول بحط معلقتين بشاميل تحت وعليها نصف كمية المعكرونة وعليها اللحمة المفرومة وبعدين الطبقة الثانية للمكرونة وعليها كل البشاميل وعالوش الشيدر والموزاريلا وتدخل فرن متوسط الحراره تقريبا نصف ساعة هنطلعها لما وجهها يتحمر شوية وبالف هنا 😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد