→ كل الوصفات
طريقة عمل معكرونة بالبشاميل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ كيلو معكرونة قلم
- ¼ كيلو لحمة مفرومة
- بصلة
- كيلو لبن
- مكعب مرقة دجاج
- معلقة صغيرة فلفل اسود مطحون
- معلقة جوزة الطيب صغيرة
- بصلة متوسطة مبشورة ناعم
- ميكس جبن شيدر.. موزاريلا... رومي
- كيس خلطة بشاميل فاين فودز او كينور
- معلقتين سمنة كبار
- 2 بيضة
طريقة التحضير
- نسلق المعكرونة كويس جداً لحد ما حجمها يتضاعف و نصفيها و نترك فيها شوية من ماء السلق
- نحضر العصاج نحط ملعقة سمنة في طاسة ساخنة و ننزل بالبصلة المبشورة و بعد ما تذبل نحط اللحمة المفرومة و نقلب قرب السوا نحط فلفل و جوزة الطيب و ملح خفيف
- نحضر البشاميل نسخن حلة و نحط فيها ملعقة سمنة و لما تقدح نحط كيس الخلطة كله و نقلب كوبس جداً بعد كده ننزل باللبن ساقع لازم ساقع و نقلب كويس جداً و نفضل نقلب و نقلب عشان ميكلكعش لما يسخن و قبل ما يتقل ننزل بمكعب الدجاج و نزود كوب ماء او كوب شوربة لو عندك و نحط شوية من ميكس الجبن ونحط فلفل اسود و جوزة الطيب و نزبط الملح لو محتاج و نقلب كويس جداً جداً لحد ما يبدأ يتقل شوية و نطفي
- هنجيب صينية متوسطة عشان تبقي المعكرونة مش تخينة و مش رفيعة ندهنها بشاميل او سمنة و نحط نص كمية المعكرونة و نحط عليهم كبشة بشاميل و نقلبهم كويس و نفردها تغطي الصينية و نحط بعدها العصاج
- نفرد العصاج كويس و نرش عليه كبشة بشاميل و كبشة من ميكس الجبن
- نقلب كبشة بشاميل على الباقي من المعكرونة و نحطها على العصاج و نفردها مويس تغطي اللحمة بعد كده
- نضرب بيضتين على كمية البشاميل الباقية و نضربها كويس و نحط رشة فلفل اسود و نصب باقي البشاميل على الصتية
- ندخلها فرن سخن على ١٨٠ او ٢٠٠ و لما تستوي الارضية نولع الشواية و نطفي من تحت
- نص ساعة و هتكون استوت كلها هتطلع و نستني تهدي شوية و نقدمها 😎
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد