→ كل الوصفات

معكرونة بالبشاميل

ممكن استخدام أي نوع جبن على الوجه أو إضافة بيضة مخفوقة مع رشة ملح وفلفل اسود و فردها على الوجه او الاستغناء عن أي إضافات تماماً، و ممكن نعمل أي حشوات أخرى مش لازم لحم مفروم:)

  • 1/4 كيلو لحم مفروم(عصاج اللحم المفروم)
  • 1 بصلة كبيرة مبشورة أو مقطعة مكعبات صغيرة
  • 1 طماطم وسط مبشورة(اختياري)
  • ملعقة صغيرة فلفل اسود
  • 1/2 ملعقة صغيرة كمون
  • ملح حسب الرغبة
  • مكعب مرقة لحمة(اختياري)
  • ملعقة صغيرة خل
  • قرن فلفل حامي أو رومي
  • 2 ورقة لورا
  • 1 عود قرفة أو نصف ملعقة صغيرة
  • 1/2 كيلو حليب (او خليط من الحليب والمرقة)(البشاميل)
  • 1/2 كوب من مياه السلق
  • مكعب مرقة خضراوات أو دجاج(اختياري)
  • 4 ملاعق كبار دقيق
  • 4 ملاعق كبار زيت او سمن او زبد
  • ملعقة صغيرة فلفل اسود
  • مكعب جبن كريمي اي نوع(اختياري)
  • 1 ورقة لورا
  • كوبان معكرونة اي شكل مسلوقة في مياة ورشة ملح فقط 4/3 سواها
  • كوب جبنة موتزاريلا للوجه او اي نوع جبن
  • رشة بقدونس(اختياري)
  1. في طاسة سيباها تسخن جامد انزل اللحمة المفرومة بدون أي مواد دهنية و اسيبها تاخد صدمة عشان تحتفظ بعصارتها وتاخد لون بني واضيف البصل والفلفل وملعقة الخل و التوابل ومكعب المرقة واقلب وانزل الطماطم المبشورة واقلب واسيبها على نار هادئة حتى تمام النضج
  2. في حلة هحمر الدقيق في الزيت أو السمن كويس(نسبة الدقيق والسمن تكون متساوية بحيث يكون القوام كريمي مش كتل لو لسه مكتل في مرحلة تحمير الدقيق بزود المادة الدهنية لحد م يديني قوام كريمي) لحد ما تطلع ريحته و اضيف اللورا ومكعب المرقة و الفلفل الاسود واقلب و بعدين انزل الحليب تدريجي مع التقليب واضيع اي كتل و اضيف مكعب الجبن الكريمي و رشة من جبنة الموتزاريلا و مياه السلق واقلب حلو اول ما يبدأ يتقل(مش تقيل اوي ومش قوام مائي بطلع الملعقة لزق فيها البشاميل وبينزل بسلاسة) أطفي واعمل حساب هيتقل اكتر لما يبرد
  3. في الصينية أو طاجن هحط ملعقتين بشاميل و بعدين حبة معكرونة (اكون حاطة عليهم بشاميل ومقلباهم) وبعدين اللحمة المفرومة ورشة جبنة وبعدين معكرونة تاني وبشاميل في الاخر وبعدين الجبن و تدخل الفرن ١٠دقائق ثم تحت الشواية لحد ما تأخذ لون لطيف و بألف هنا:)
  4. اختياري:رشة بقدونس على اللحم المفروم ورشة بقدونس على وجه المكرونة بعد ما تطلع من الفرن
عجبتك الوصفة؟
شوف كل وصفاتنا في مكان واحد
كل الوصفات →