→ كل الوصفات

معكرونة بالبشاميل

تتميز هذه الوصفة بإضافة الجبن الرومي و دهون أقل

  • كيس معكرونة نوع جيد
  • كيس بشاميل كنور
  • بيضة
  • 1/2 ك لحمة مفرومة
  • بصلة
  • فلفل أسود
  • 1/4 معلقة صغيره سمنة بلدي
  • مكعب مرقة دجاج
  • ملح
  • 4 حبات طماطم
  • كمية صغيرة من زيت عباد
  • 1/8 جبن رومي مبشور
  • 1 ك لبن بلدي
  1. تبشر البصلة و توضع مع اللحمة المفرومة و شويه ملح و فلفل أسود و سمنة بلدي في حلة صغيرة على نار هادئة و يتم التقليب كل فتره قصيره حتى تمام التسويه
  2. يوضع اللبن مع كيس البشاميل و مكعب المرقة في كسرونة على نار هادئة مع التقليب المستمر حتى الحصول على قوام متماسك
  3. توضع المكرونة في مياه مغلية عليها ملعقق زيت و شوية ملح و تترك على نار عالية حتى الحصول على معكرونة نصف مسلوقة ثم توضع في مصفة و نفتح عليها الحنفية الساقعة مباشرةً بعد السلق عشان متعجنش
  4. يتم ضرب الطماطم مع شوية ملح و فلفل ثم يتم تصفيتهم من خلال مصفاه جيده ثم يوضع العصير في حلة صغيرة على نار عالية لمده ١٠ دقائق ثم توضع مع المكرونة المسلوقة و تقلب جيداً
  5. تحضر بولة بايركس أو صينية متوسطة و يوضع أول حاجة نصف مقدار البشاميل ثم نصف كمية المكرونة ثم اللحمة المفرومة و عليها نصف كمية الجبنة الرومي ثم باقي كمية المكرونة ثم باقي كمية البشاميل و عليه البيضة و آخر حاجة شوية الجبنة الرومي و يعد كده تخش الفرن من ٤٥ دقيقة لساعة على حسب حالة الفرن و بعد كده نطفي الفرن و نولع الشواية خمس دقائق بس و كده يبقى تمام
عجبتك الوصفة؟
شوف كل وصفاتنا في مكان واحد
كل الوصفات →