→ كل الوصفات
#معكرونة #بشاميل
المقادير
- معكرونة اي شكل بتحبوه
- 500 غرام لحمة مفرومة
- زيت ذرة
- 1 بصلة حجم وسط
- 1 سن ثوم
- 0.5 ملعقة صغيرة قرفة
- 0.5 ملعقة صغيرة زنجبيل مطحون
- ملعقة صغيرة فلفل اسود او حسب الرغبة
- ملعقة صغيرة ملح او حسب الرغبة
- 5 حبات بندورة متوسطة الحجم
- ملعقتين كبار رب بندورة
- رشة اريغانو للنكهة - اختياري
- فلفل احمر مقطع
- 3 ملاعق كبار زبدة
- 3 ملاعق كبيرة طحين
- 4 كاسات حليب سائل
- رشة ملح
- رشة ملح
- رشة فلفل اسود
- ملعقة صغيرة ماجي
- جبنة موزاريلا او بارميزان او صفرا اي نوع بتحبوه - اختياري
طريقة التحضير
- نقطع البصل ونضعه على النار مع القليل من الزيت ونضع معه الثوم ونتركه ليذبل ثم نضع اللحمة المفرومة ونتركها لتتحمر واضيف لبهارات معها (القرفة الزنجبيل الملح والفلفل الاسود)
- بعد ما تستوي اللحمة منيح بضيف البندورة المقشرة والمقطعة ناعماً والفلافلة الحمرا ايضا مقطعة قطع صغيرة اضيفها مع البندورة واضيف رب البندورة والقليل من الكاتشب حسب الرغبة
- بنسلق المعكرونة مسبقاً مع القليل من الملح والزيت وبس تستوي بتركها تبرد على جنب
- تحضير البشاميل: نضع بطنجرة 3 ملاعق زبدة وعندما تذوب بضيف ال 3 ملاعق طحين واخلطهن جيداً ثم اضيف ٤ كاسات الحليب تدريجياً و بخلط في نفس الوقت حتى لا تتكتل وبعد ذلك اضيف الملح والفلفل الاسود والماجي وبرش الجبنة اخر خطوة
- وقت التحضير : بجيب شوية من المعكرونة بحطها ببايركس الطبخ و بخلط معها شوية بشاميل وهاي اول طبقة عنا بعدين بحط صلصلة اللحمة كطبقة ثانية *الصورة موضحة الطبقة الاولى ونص الطبقة الثانية طبعاً انتو لازم تغطوا كل المعكرونة بالصلصلة مش بس النص (الصورة بس للتوضيح)*
- لما اضيف كل الصلصة بحط باقي المعكرونة وبعدين بحط باقي البشاميل برضو وبحط على الوجه جبنة مبروشة حسب الرغبة
- بحطها بالفرن لحتى تستوي على درجة حرارة 200 وبالعافية 🥰😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد