→ كل الوصفات

معكرونة بالخضار والتوابل والكريمة

كلنا بنحب المكرونة بالوايت الصوص والخضار النهاردة جربتها بطريقة مختلفة يارب تعجبكم

  • مياه مغلية
  • ¼ كوب معكرونة
  • 1 حبة كوسة
  • 1 حبة جزر
  • 1 حبة فلفل احمر
  • 4 معالق سلطة تومية بالكرنب والجزر
  • 1 معلقة توابل فراخ
  • ½ ملعقة كزبرة بودر
  • 1 ملعقة كركم
  • ½ معلقة ملح
  • ¼ معلقة فلفل اسود
  • ¼ ملعقة كاري
  • رشة بابريكا
  • معلقتين كريمة طبخ
  1. هنغلي مياه في حلة ونحط التوابل كلها ونحط معاها المكرونة ونسبها تستوي عشر دقائق لحد ما تبقي لينة
  2. بعد كدة ننزل بالخضار مع المكرونة والمياه والتوابل ونقلب تقليبتين بعدين نسيبهم يستوي
  3. بعد كدة ننزل بالكريمة ونقلب دقيقتين ونطفي
  4. بعد كدة نطفي عليهم ونبدأ نصب في بولة
  5. و بعد كدة نغطيها بسلطة تومية بالكرنب والجزر بالمناسبة السلطة كانت عندي من الاول كنت عاملاها قبل كدة كان عندي تومية عادي وانا حطيت لها ورقتين كرنب (ملفوف) وبشرت ربع حبة جزر وقلبت مع بعض المهم نرجع الوصفة البطولة بتاعتنا هنزين المكرونة بسلطة الثومية بتاعتنا وكاتشب
  6. و بكدة تبقي وصفتنا جاهزة للأكل وبالف هنا انا قدمت معاه فراخ بروستد اللي هي دبوس مقلي في الزيت وقليت شوية بطاطس جنبهم وعندي سلطة تبولة وسلطة فتوش من الاول والف هنا
عجبتك الوصفة؟
شوف كل وصفاتنا في مكان واحد
كل الوصفات →