→ كل الوصفات
سهلة سريعة طعمها يشبه معكرونة المطاعم ، تنفع عشاء أو غداء أو للزيارات.
المقادير
- 1 وربع صدر دجاج
- ثلاث أرباع كريمة طماطم بالكريمة (جاهزة من البقالة) أو حسب الرغبة ممكن أقل ممكن أكثر
- 1 كوب معياري معكرونة
- 1/4 إصبع زبدة وشوية زيت
- 1/2 حبة ماجي
- 5 فصوص ثوم مدقوق
- شرايح فليفلة خضرا صغيرة
- 4 حبات فطر مقطعة شرايح
- 1/3 م ص فلفل أسود
- جبن موزاريلا نص أو ربع كوب حسب الرغبة
طريقة التحضير
- يقطع الدجاج مربعات صغيرة ونرش عليه شوي فلفل أسود ونقلبه
- بمقلاية نضع الزبدة والزيت بس تذوب نضيف الدجاج ونقلبه على نار عالية حتى يتحمر ويستوي، ننتبه ما يحترق أو ينشف، اذا نشف نزيد زيت شوي ثم نضيف الثوم ونقلبه ثواني عشان ما يحترق الثوم ثم نضيف الفطر وممكن نضيف رشة فلفل أسود ونضبط الطعم ثم نقلب إلى أن يتحمر نضيف الكريمة ثم الفليفلة ونقلبه شوي عشان ما تذبل الفليفلة ونضيف المكرونة ونقلب ثم الموزاريلا ونقلب حتى التجانس وكذا تكون جاهزة وبالعافية
- المكرونة نكون سالقينها بماي والنص حبة الماجي ورشة فلفل أسود، نسلقها نحاول تكون متماسكة مو مرة مسلوقة لأنها راح تنطبخ بحرارة الحشوة،اذا خلصت سلق نصفيها وعالحشوة
- لا تنسون تسمون قبل الأكل👌🏻
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد