→ كل الوصفات

معكرونة بالصلصة والفلفل وصوص بشاميل مختلف

المكرونة بتطلع لذيذذذذة وفيها vibes كدا ال fast food مش تقل البشاميل وتتاكل لوحدها من غير اي اطباق جانبية ولا صوصات ومش هتفتقدوا حاجة جربوها مش هتندموا

  • كيس معكرونة صغيرة
  • ¼ كيلو لحم مفروم
  • ½ لتر لبن
  • 4 معالق دقيق
  • سمنة وزيت
  • ملح وفلفل اسود
  • ½ لتر عصير طماطم ومعلقة صلصة
  • قرن فلفل رومي وقرن شطة (اختياري)
  1. اولا هنسلق المكرونة في ماء وملح فقط ٨ دقائق
  2. الصلصة واللحم* في ملعقة زيت ومعلقة سمنة هننزل اللحمة تأخذ صدمة واول ما لونها يتغير انزل بالبصل المقطع وبعدين فصين ثوم مفروم وبعدين الفلفل والشطة وبعدين عصير الطماطم والصلصة وملح وفلفل اسود وبهارات لحمة وبابريكا اختياري ونسيبها شوية عشر دقائق
  3. صوص البشاميل* هحط نص لتر لبن يغلي واول ما يغلي هنزل ٤ ملاعق دقيق ومعلقتين سمنة وملح وفلفل اسود واشيله من النار واضربه بالهاند بليندر او الخلاط
  4. اهم خطوة* هقلب المكرونة في قلب الصلصة واللحمة كلها مش هعملها طبقات ادهن الصينية سمنة واحط فيها المكرونة وفوقها صوص البشاميل
  5. هدخلها الفرن لحد ما يبكبك وبعدين شغل الشواية لحد ما تأخذ لون وبألف هنا
عجبتك الوصفة؟
شوف كل وصفاتنا في مكان واحد
كل الوصفات →