→ كل الوصفات
بمناسبة المقولة الشعبيّة للأسبوع ده هي صافي يا لبن حليب يا قشطة 🥛🥛 ومادام ذكرنا اللبن او الحليب يبقى الوصفة تيجي في بالنا وايت صوص او صوص بشاميل الخفيف وصفة دي هتعجبكم جداً جداً بإذن الله ❤️
المقادير
- 1/2 ك معكرونه سباغيتي أو الفيتوشيني مسلوقة
- 1 ك جمبري مقشر ومتنضف كويس
- فلفل ألوان أخضر وأحمر وأصفر مقطع مكعبات (حبة من كل لون)
- بصلة متوسطه مقطعة مكعبات صغيرة
- م ص توابل الكيجن(هتلاقوا طريقه في الوصفات عندي)
- 2 ملعقة ك زيت
- ملح وفلفل اسود حسب الرغبه
- م ك سمنة
- م ك زيت
- 2 م ك دقيق
- 1/2 (1 كوب) حليب ساخن
- 1/2 (1 كوب) كريمه لباني (هتلاقوا طريقه في الوصفات عندي)
- م ص بهارات إيطالية (هتلاقوا طريقه في الوصفات عندي)
- ملح وفلفل اسود حسب الرغبه
- 1/4 : 1/2 كوب جبنة موزاريلا أو بارميزان مبشور
طريقة التحضير
- نسلق المعكرونه ونصفيها ونبدأ نجيب الجمبري وننضفه كويس اوي ونتبله بملح وفلفل وتوابل كيجن بس ماتكتريش الملح لأن لسه هنحط ملح في الوايت صوص
- وبعدين في طاسه هنحط زيت و نشوح الجمبري لحد ما لونه يتغير و انزل بالبصل وأقلب دقيقتين وانزل بالفلفل الألوان وأقلب بس مش كتير علشان جمبري ما يتهريش مجرد مايستوي الجمبري والخضار يستوي هنقفل عليه
- بالنسبة للوايت صوص : هنجيب حلة على نار واحط فيها السمنه والزيت مجرد ماتسيح هنزل بالدقيق واقلب كويس علشان يبقى كريمي ولونه مدهب شوية وبرفعها من على النار و انزل بالحليب بالتدريج مع تقليب علشان مايعملش كتل ويدوب الدقيق تماماً
- و بعدين انزل بالكريمه و التوابل إيطالية وملح وفلفل واخلطهم لحد ما أوصل للقوام المطلوب لو حسيتي انه تقيل خفيفه وبعدين احط الجبن ومجرد مايبدأ يغلي وتظهر الفقاعات اقفل عليه
- وقدامك طريقتين طريقة الأولى : لاما تحطي الجمبري على الوايت صوص ونحط المعكرونه ونخلطهم مع بعض ونقدمها ونعمل الخطوه دي عند تقديم علشان لما يبرد بتحسيه كأنه معجن
- أو طريقة تانيه : انك تجيبي طبق تقديم وتحطي معكرونه وعليه وايت صوص وتخلطيهم مع بعض وترصي جمبري من فوق وفي كلا الحالتين طعمه ماشاء الله تبارك الله يجنن وبألف هنا ♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد