→ كل الوصفات
طريقة عمل معكرونة بشاميل بالفراخ والمشروم سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- باكي معكرونة أقلام
- ملح وفلفل أسود حسب الرغبة
- شطة
- صدور دجاج متقطعة مكعبات صغيرة
- مشروم (فطر) شرائح
- بصله متوسطة الحجم
- حبة طماطم
- فلفل رومي (أخضر)
- لبن
- دقيق
- بيضة
- كوب ماء من سلق المعكرونة
طريقة التحضير
- هنسلق المعكرونة في ماء و ملح لحد م تستوي ٣/٤ سوى و نصفيها بس نشيل كوب من ماء السلق على جمب
- في طاسة على النار هنحط شوية زيت ولما يسخن هننزل بالبصل لحد م يذبل و بعدين ننزل بالفلفل لحد م يذبل في ننزل بالطماطم وبعدين نحط الفراخ تتشوح ونحط البهارات ونقلب و نهدى النار و لما تقرب تستوي نحط المشروم (الفطر) (الفطر)
- على النار هنحط اللبن و نسخنه وبعدين ننزل بمعلقتين كبار دقيق و نقلب بسرعة بالمضرب اليدوي و نحط ملعقة زبدة ونحط كباية ماء سلق المعكرونة و نحط بيضه و ملح و فلفل ونقلب بالمضرب لحد ما تتقل معانا و توصل للسُمك اللي نحبه (لو حسيتيها خفيفة زوديها دقيق و تقيلة زوديها ماء)
- نحط ٣/٤ خليط البشاميل على المعكرونة و نقلبها ، نجيب صينية و ندهنها شوية زيت و نرش رشة دقيق في الارضيه علشان المعكرونة متلزقش
- نحط نص المعكرونة في الصينية و بعدين نحط الحشو و بعدين نص المعكرونة التاني ، و نحط باقي خليط البشاميل على وجه المعكرونة
- ندخلها الفرن على درجة حرارة ١٨٠ (او نحطها على البوتجاز عادي و نهدى النار) ولما تستوي نشغل الشواية علشان الوجه يتحمر بس و لما يتحمر نطلعها و نسيبها تهدى شوية و نقطعها
- وبالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد