→ كل الوصفات

معكرونة بشاميل بالفراخ 😋

#طبخة_وبس

  • كيس معكرونة كبير 800 جرام
  • 2 صدور دجاج مقطعين شرايح
  • 2 بصلة شرايح
  • فصين ثوم مفرومين
  • 3 فلفل ألوان شرايح
  • معلقة صغيرة ملح
  • معلقة صغيرة كمون
  • معلقة صغيرة فلفل اسود
  • معلقة صغيرة بهارات فراخ
  • معلقة صغيرة قرفة (بتدي طعم جميل جداً للبشاميل)
  • 4 معالق كبار دقيق
  • 4 معالق كبار سمن او زبدة
  • 1/2 لتر حليب
  • 1/2 لتر مرقة دجاج
  • جبنة موتزاريلا
  • 2 جبنة مثلثات
  1. نسلق المعكرونة في ماء ساخنة و شوية زيت و ملعقة صغيرة ملح نصف سلقة يعني 7 دقائق على النار
  2. تحضير الفراخ : نتبل الفراخ بالبهارات ومعلقة زبادي او ملعقة لبن
  3. في طاسة ساخنة ننزل بالفراخ ونقلب مرة لحد ما لونها يبدأ يتغير ننزل بالبصل والفلفل الشرايح ونقلب تقليبتين لحد ما تقرب على التسوية نطفي عليها
  4. تحضير البشاميل : في حلة متوسطة نحط الزبدة او السمنة وممكن عليهم نصف ملعقة زيت وأول ما يسخنوا ننزل بالدقيق
  5. نقلب بالمضرب اليدوي جامد لحد ما يتجانسوا ننزل باللبن شوية بشوية مع التقليب الجامد وبعدها ننزل بالمرقة واحنا بنقلب نحط الجبنة الموتزاريلا والمثلثات (بتدي طعم جميل جداً)
  6. نجيب المعكرونة المسلوقة وننزل بشوية بشاميل حلوين عليها ونقلب
  7. في الصينية ننزل بشوية بشاميل وبعدين نحط نصف كمية المعكرونة ونفردها كويس
  8. وعليهم الفراخ اللي عملناها ونفردها كويس وممكن نخلط المعكرونة بالفراخ وننزل بيهم مرة واحدة وبتبقى تحفة برضه زي الصورة كده
  9. وننزل بباقي المعكرونة وعلى الوجه ننزل بباقي البشاميل ونفرده كويس اوي
  10. نحطها في فرن حرارته 200° درجة مئوية لمدة 25 دقيقة وبعدين ممكن نشغل الشواية تديها وجه ذهبي حلو ونبدأ بالتقديم لما تبرد بس انا قدمتها ساخنة وكانت تحفة جداً برضه 😄 وبالهنا والعافية 😋
عجبتك الوصفة؟
شوف كل وصفاتنا في مكان واحد
كل الوصفات →