→ كل الوصفات

معكرونة بشاميل بطريقة جديدة

طريقة عمل معكرونة بشاميل بطريقة جديدة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو لحمة مفرومة
  • 700 جرام معكرونة قلم
  • بصلة مقطعة
  • ملعقة صلصة
  • معلقتين سمنة
  • ملح وبهارات
  • ½ لتر لبن
  • ½ لتر شوربة
  • بيضة
  • 3 ملاعق دقيق
  • معلقتين فيجيتار فراخ
  • رشة زعتر وروزماري
  • جبنة موتزاريلا (اختياري)
  1. هنعصق اللحمة مع البصلة مع إضافة الملح والفلفل الأسمر بالبهارات وإضافة ملعقة الصلصة
  2. هنسلق المعكرونة في ماء مغلية 3 أرباع سلقة
  3. هنعمل البشاميل جزئين ، لبن وشوربة على دقيق على ملح وبهارات ونحطه على النار لحد ما القوام يبقى متماسك
  4. الجزء التاني من البشاميل هنضيف عليه البيضة وده اللي هيبقا على الوجه وعليه
  5. هنحضر قارب على أد الكمية ونحط ملعقة سمنة ونرص نص كمية المعكرونة ونغطيها بجزء البشاميل الأول ونحط عليها كمية اللحمة وبعدين باقي كمية المعكرونة
  6. ونحط باقي كمية البشاميل اللي عليه البيض والتكة بقى هتبقا في إضافة الفيجيتار على الوجه ورشة الزعتر والروزماري
  7. يمكن إضافة الجبنة على الوجه في حالة الحاجة قبل ما نخرج القارب من الفرن ب 10 دقائق
  8. هنحط القارب في الفرن على درجة حرارة 180 مئوية لمدة ٣٠ ل ٤٠ دقيقة، بالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →