→ كل الوصفات

معكرونة بشاميل تحفه ❤💕

#التحدي_الالماسي

  • علبة معكرونه اقلام
  • كوب موزاريلا
  • بهارات
  • العصاج
  • 250 غ لحم مفروم
  • 3 طماطم مبشورة
  • 1 بصل
  • معلقه كبيرة صلصه
  • البشاميل
  • 3 اكواب لبن
  • 2 م ك قشطه
  • 2 م ك لبن بودرة
  • 4 معالق كبار دقيق
  • 4 معالق زبدة او سمنه
  • معلقتين زيت
  • كوب ماء
  • 1 بيضه
  • ملح
  • فلفل اسمر
  1. هنسلق المعكرونه في ماء بملح بس عشان الزيت ببخلي بالبشاميل مش يمسك فيها ونخليها نص سوى مش سوى كامل ونسلقها لما نعمل العصاج وللبشاميل عشان وهي ساخنه بنعرف نتحكم فيها عن وهي باردة
  2. هنجهز العصاج بصلة شرايح هندبلها وننزل باللحمه وتأخذ لون ننزل عليها بالطماطم والصلصة والبهارات ملح وفلفل اسمر ورشه كزبرة صغيرة ونسيبهم يتسبكو ونخفف عليهم النار
  3. البشاميل هنحط الزبدة على النار والزيت واحط عليهم ٤ ملاعق دقيق ولازم يكون الخليط سايل مش متماسك لو متماسك يبقى الماده الدهنيه قليله نزود زبدة نقلب فيهم لحد.ما ريحه الدقيق تروح وننزل عليهم باللبن ونذوب اللبن البودرة في كباية الماء ونحطها عليهم مع ملح وفلفل اسمر ونحط معلقتين قشطه من وجه اللبن ونقلب فيه لحد.ما يوصل للقوام اللي عايزينه ولا خفيف ولا تقيل
  4. هندهن البيركس بشاميل ونحط المعكرونه في بولة كبيرة او حله ونحط عليها نص البشاميل ونقلبهم مع بعض وانزل نص المعكرونه على البيركس واحط عليه العصاج
  5. اضيف النص التاني عليه والبشاميل اللي اتفضل هحط عليه بيضه مخفوقه برشه فلفل اسمر واغطي بيها المعكرونة واحط الموزاريلا فوق الوجه
  6. ونحطها بالفرن في الرف اللي في النص لحد.ما تأخذ لون بسيط وبعدين نشغل الشواية ١٠ دقائق مع المتابعة
عجبتك الوصفة؟
شوف كل وصفاتنا في مكان واحد
كل الوصفات →