→ كل الوصفات

معكرونة بشاميل سايحة جداً 😋

اسهل طريقة للمكرونة البشاميل السايحه انا كمبتدئه في الطبخ حبيتها جداا

  • كيس معكرونة قلم
  • بصلة
  • 1/2 كيلو لحمة مفرومه
  • ملح وفلفل
  • بهارات
  • حبة فلفل
  • شويه زيت او سمنه
  • كوبين ونص دقيق
  • 3 كوبايات لبن
  • فلفل اسود حسب الرغبة
  • 3 مكعبات مرقة دجاج
  • جبنة موزاريلا للوجه
  1. نسلق المعكرونه ونحط في ماء السلق ملعقة زيت ومعلقه صغيرة ملح
  2. نحضر اللحمة نشوح بصله مع فلفل اخضر شويه وبعدين نضيف اللحمة ونقلبها وبعدين نحط ملح وفلفل وبهارات ونقلب شويه ونطفى عليها ونركنها
  3. نحضر بقى البشاميل نحط شويه زيت او سمنه على النار يسخنوا وبعدين ننزل بالدقيق ونحمره شويه وبعدين ننزل باللبن ونقلب ولو لقينا سمكه تقيل نزود ماء ونقلب وبعدين نضيف عليه ٣ مكعبات مرقة دجاج (عادي متقلقيش احنا مش هنحط ملح) وشويه فلفل اسود بس مش كتير ونقلبه ونسيبه على النار شويه وبعدين ننزله سمك البشاميل مش هيبقي تقيل اوي ولو البشاميل كلكع منك ممكن تضربيه في الخلاط
  4. نجيب صينيه ونحط فيه نص المعكرونه وننزل عليها بمغرفتين ثلاثة بشاميل ونقلبها فيهم ونرصها في الصينيه وبعدين بنحط اللحمة ونفردها ومغرفه بشاميل كمان فوق اللحمة وبعدين نرص باقي المعكرونه وننزل عليها بباقي البشاميل
  5. اخر خطوه وجه الصينيه ممكن تحطى جبنة موزاريلا بتبقي حلوه جداً او ممكن تحطى بيضه تكونى ضرباها مع شوية فلفل اسود انا هنا حاطه بيضه وبعدين ندخلها الفرن مبتاخدش وقت ١٠ دقائق او ربع ساعة ودا لان كل المكونات مستويه هي يادوب تأخذ الوجه وبس كدا
عجبتك الوصفة؟
شوف كل وصفاتنا في مكان واحد
كل الوصفات →