→ كل الوصفات

معكرونة بشاميل على اصولها

طريقة عمل معكرونة بشاميل على اصولها سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1 كيلو معكرونة قلم
  • 1 لحمة مفرومة
  • 3 بصلات كبار
  • 3 طماطم كبار
  • 1 فلفل رومي كبير
  • 4 ملاعق سمنة كبار
  • ملعقة كزبرة ناشفة
  • ملعقة كمون
  • ملعقة فلفل اسود
  • ملح حسب الرغبة
  • كباية دقيق
  • لتر ونصف لبن
  • ثلاث ملاعق سمنة
  • 2 مرقة
  1. في حلة على النار هنضيف السمنة والبصل نشوحهم شوية لحد مالبصل يذبل وبعدين نضيف اللحمة المفرومة ونفضل نقلبها لحد ماتقرب تستوي ونقطع الطماطم مكعبات صغيرة وكمان الفلفل نفس الحكاية ونضيفهم على اللحمة ونقلبهم كلهم مع بعض وبعد كده نضيف التوابل كلها والملح واول ماللحمة تستوي نطفي عليها
  2. البشاميل : في حلة عميقة على النار هنضيف السمنة تسخن وبعد كده ننزل بالدقيق ونقلبه مع السمنة شوية وبعد كده نضيف مرقة الدجاج ونقلبهم وننزل باللبن ونفضل نقلبهم على النار لحد مانوصل لقوام كريمي سائل ونرفعه من على النار
  3. في حلة عميقة نملاها ماء ونحطها على النار ونضيفلها ملعقة زيت ومعلقة صغيرة ملح واول ماتغلي ننزل بالمعكرونة ونسلقها نص سلقة وبعد كده نصفيها ونغسلها بشوية مياه فاترة عشان توقف سوى
  4. هنضيف كمية من البشاميل على المعكرونة ونقلبهم كويس وفي صينية واسعة هنضيف نص كمية المعكرونة ونفردها كويس ونبعد كده نضيف طبقة اللحمة ونفردها كويس وبعد كده نضيف طبقة معكرونة تانية ونقفلها كويس وبعد كده نحط البشاميل على الوجه وعلى درجة حرارة ٢٢٠ نكون مسخنين الفرن قبلها بشوية ونحطها عالصاجة وبعد نص ساعة نرفعها عالشبكة تأخذ لون وبالف هنا
عجبتك الوصفة؟
شوف كل وصفاتنا في مكان واحد
كل الوصفات →