→ كل الوصفات

معكرونة بشاميل 🥰🥰🥰

الطبخ في الحظر 🙈🙈

  • ½ كيلو لحمة مفرومة
  • بهارات مختلفه
  • ملح وفلفل
  • بهارات لحمة
  • قرفة
  • بابريكا
  • 3 بصلات وسط
  • معلقتين صلصة طماطم
  • كيلو الا ربع معكرونة قلم ما يعادل 750 جرام
  • كيلو لبن بارد + نصف لتر ماء بارد
  • قطعتين مرقة دجاج
  • 8 معالق دقيق
  • ملح و فلفل
  • 100 جرام زبده + 3 ملاعق زيت
  • جبنة موتزاريلا للوجه
  1. هنسلق المكرونن و نحطها تتصفي في المصفاه و نغسلها بمياه فاتره عشان متعجنش او تلزق
  2. هنحضر اللحمة المفرومه.هنجيب البصل نبشره و نحطه مع شوية زيت ياخذ تقليبه ننزل باللحمه المفرومه و رشة ملح ونغطي الحله عشان اللحمة تنزل ميتها و نخفف النار عشان متتلسعش من تحت لم تشرب مايتها و تقرب تستوي بننزل بمعلقتين الصلصة و ملعقة صغيرة بهارات لحمة و رشة قرفة و رشة بابريكا و ملح و فلفل حتى تماما النضج
  3. لعمل البشاميل هنحط الزبده و الزيت لحد ما يتدخله و يسخنوا مع بعض و ننزل بالدقيق لو لقينا ان الدقيق لازال باين بودر بنزود زيت لحد ما يبقى عامل زي العجينه بنقعد نقلبه شوية لتسوية الدقيق و بعد كده ننزل باللبن ساقع و مكعبين المرقه ونقلب جامد بالمضرب اليدوي او الكهربائي عشان نتجنب انه يكلكع و هنبتدي نخفف قوام البشاميل بالمياه الساقعه ونوصل للقوام المتوسط مش خفيف و مش تقيل جامد
  4. نبتدي نجهز المعكرونة و نطبقها على بعض هنحط في ارضية الصينيه او البيركس بشاميل و بعد كده هنحط المعكرونة الاول و نحط عليها طبقة بشاميل و بعد كده نحط اللحمة المفرومه و بعدين نرجع نحط المعكرونة و اخيرا الطبقه الاخيره البشاميل لو حسيتوا سايب شوية بنسخنه لحد ما يمسك نفسه و ننزله على المعكرونة و ندخله الفرن على درجة حرارة ٢٠٠ و بعد حوالي ٢٠ دقيقه بنطلعه و نغرق وشه بالموتزاريلا و ندخله تاني لمده ٢٠ او ٣٠ دقيقه و بعدين نفتح الشوايه عشان ياخذ لون من فوق و بالف هنا
  5. الشكل النهائي قبل ما تدخل الفرن و بعد ما خرجت
عجبتك الوصفة؟
شوف كل وصفاتنا في مكان واحد
كل الوصفات →