→ كل الوصفات
طريقة عمل معكرونة بصوص الفريدو سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيس معكرونة فيتوتشيني
- 2 كوب حليب
- 100 ملي كريمة طبخ
- 2 ملعقة كبيرة زبدة
- 2 ملعقة كبيرة دقيق
- 4 قطع صدور فراخ
- ملح وفلفل اسود حسب الحاجة
- بابريكا
- زيت زيتون
- عصرة ليمون
- بصل وثوم بودر
طريقة التحضير
- هنسلق المعكرونة عادي في مياه وملح ونصفيها و نسيبها على جمب
- هنتبل الفراخ بالتوابل المذكورة لمدة ٤٥ دقيقة او ساعة و بعدين هنجيب طاسة تيفال ممسوحة زيت و نحمر فيها الفراخ على الجانبين لحد ما تأخذ لون حلو
- هنحضر صوص الالفريدو، في حلة هنضيف الزبدة ونسيحها ونحط عليها الدقيق ونشوحهم مع بعض على ما ياخدوا لون ذهبي فاتح
- هنكون محضرين الحليب وهو ساخن ونضيف منه على خليط الزبدة والزيت بالتدريج نضيف مغرفة حليب ونقلب و نضيف مغرفة حليب ونقلب.وهكذا لحد ما الصوص يتظبط ويكون تقيل ، هنضيف كريمة الطبخ وملح وفلفل اسود ونقلب كويس
- هنجيب المعكرونة اللي سلقناها وصفيناها ونقلبها في الصوص ونحطها في طبق ونرش عليها بقدونس مفروم(اختياري) ونقطع صدور الفراخ الى قطع صغيرة فوق المعكرونة و تُقدم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد