→ كل الوصفات

معكرونة بورق العنب

لما المكرونة تقابل المحشي… يبقى لازم التجربة تكون خارجة عن المألوف! جربوا معايا معكرونة بورق العنب الوصفة اللي بتجمع بين طعم المكرونة اللي بنحبها ونكهة ورق العنب اللي يعجز الكلام يوصفها! طعم رهيب شكل يفتح النفس وسهلة جدًا في التحضير 💫جربوها #ع_طريقتي ومتنسوش تقولولي رأيكم بعد ما تجربوها 💬👇 #مكرونة_بورق_العنب #أكلات_مبتكرة #مريولي_باسمي

  • كيس معكرونه
  • ¼ كيلو ورق عنب مسلوق
  • 1/2 ضمه شبت
  • 1/2 ضمة بقدونس
  • 1/2 ضمه كزبرة خضرا
  • 2 كوب عصير طماطم
  • 3 م ك صلصه
  • بصلة كبيرة مفرومة ناعم
  • م ص ثوم مهروس ناعم
  • عصير ليمونة
  • 1/4 كوب دبس رمان
  • ملح
  • فلفل اسود
  • كمون وكزبرة ناشفة
  • م ص نعناع ناشف
  • كوب زبادي
  • 1/2 كوب طحينه
  • ماء ساخنه
  • ملح وكمون وفلفل اسود
  • ليمونة
  1. هانتزل بالسمن والزبدة في الحله هاننزل بالبصله ونشوحها شويا تذبل هاننزل بورق العنب بعد ما تسلق وقطعناه ونشوح وننزل بالثوم ونقلب تتطلع ريحه الثوم ننزل بالخضار ونقلبهم كويس
  2. ننزل بالصلصله ونقلب بعدين ننزل بعصير الطماطم ونقلب انا هنا زودت كوب ماء ساخنه وننزلت بكل البهارات وقلبتهم وسبتهم يغلو كويس واتاكدت انو ورق العنب استوا تمامااا حطيت عليه ربع كوب دبس رمان وخليتهم يغلو وبعدين نزلت بالمعكرونة وقلبتهم في بعض ووطيت النار وسبتها لحد ما المعكرونة استوت
  3. عملت الصوص حطيت كل المكونات على بعضها وخلطهم وبعد ما غرفت المعكرونة نزلت بالصوص عليها ورشيت عليها شويا من الخضار وقدمتها وحقيقي كانت حاجه وهميه حاجه كدا في ال اديلو ادي
  4. جربوهااا هاتحبوها كتييير حاجه كدا تنزل على القلب على طوووول وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →