→ كل الوصفات

معكرونة سي فود صحية جدا

دلع كرشك 😂

  • كوب جمبري متوسط مقشر ونظيف
  • قطعة سمك فيليه مقطعة مكعبات
  • 6 اصابع كابوريا (موجودة في ثلاجة السي فوود)
  • كوب فاصوليا خضراء
  • كوب فلفل رومي مقطع شرائح
  • 1 طماطم مقطعة مكعبات
  • بصلة صغيرة مفرومة
  • 4 فص ثوم مفروم
  • ملح وفلفل اسود حسب الرغبة
  • م.ص كمون
  • شطة (اختياري)
  • م.ك صويا صوص
  • علبة زبادي لايت (180 جم)
  • مكعب صغير زبدة لورباك (عشان صحية جداااا)
  • معكرونة اسباجتي او اي نوع (الكمية اختياري بس طبعاً مش كتير)
  1. نجيب طاسة نسيح فيها الزبدة ونضيف البصل والثوم ونشوح وبعد كدة نضيف الفاصوليا وباقي الخضار ونضيف ماء بكنية صغيرة جداً وعلى نار هادية نسيبهم حوالي 5 دقائق
  2. بعد كدة نضيف الجمبري والسمك واصابع الكابوريا ونضيف التوابل والمعكرونة والصويا صوص ونضيف ماء ونسيبهم مع بعض لحد ما يكونوا جاهزين
  3. نضيف الزبادي ونقلب كويس وبعد كدة نقدمها.. بالف هنا
عجبتك الوصفة؟
شوف كل وصفاتنا في مكان واحد
كل الوصفات →