→ كل الوصفات

معكرونة لازانيا

طريقة عمل معكرونة لازانيا سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • علبة معكرونة لازانيا
  • ميكس جبن مبشورة موتزاريلا وشيدر
  • زيتون مخلي
  • علبة قشطة
  • بقسماط ناعم مطحون
  • ½ كيلو لحمة مفرومة
  • بصلة متوسطة مبشورة ناعم
  • جزرة مبشورة
  • قرن فلفل اخضر متخرط صغير
  • فص ثوم كبير مفروم ناعم
  • معلقتين كبار صلصة طماطم او كوب عصير طماطم
  • ملعقة صغيرة ملح وفلفل اسمر
  • ملعقة صغيرة سبع بهارات
  • زبدة او زيت او نخلط الاثنين
  • 4 معالق كبار دقيق
  • 4 معالق كبار زبدة
  • 2 كوب لبن
  • 2 كوب شوربة لحمة
  • ملعقة صغيرة ملح وفلفل اسمر
  1. هنحضر العصاج بالطريقة المعتادة ، هنشوح البصل في الزبدة او الزيت ومن الحاجات الحلوة اننا نحط التوابل على البصل وهو بيتشوح بيكون الريحة والنكهة احلى
  2. وبعدين ننزل بالفلفل الاخضر يذبل شوية وبعدين بالثوم ومجرد ما ريحته تبان ننزل باللحمة وبعد ما نقلبها شوية ننزل بالجزر
  3. وبعد ما اللحمة تشرب ميتها ننزل عليها بالطماطم او الصلصة انا عن نفسي مبحبش طعم الطماطم واضح فبفضل اني اخرط الطماطم عليها خرط صغيرة واسيبها تنزل ميتها وتلون اللحمة
  4. ونقلب لحد ما نحصل على القوام المظبوط ، صوص بشاميل اللازانيا بنحتاجه خفيف شوية عن العادي عشان يسوي المعكرونة
  5. ونرص فوق البشاميل طبقة من المعكرونة ومنحطش طبقات معكرونة فوق بعض نرص الشرايح بينها مسافات بسيطة عشان هتتمدد وتكبر وبعدين نحط طبقة من العصاج وعليه رشة من ميكس الجبن وزيتون مخلي وبعدين كمان طبقة من المعكرونة وعليها بشاميل
  6. وبعدين لحمة وجبن وزيتون وبعدين اخر طبقة معكرونة وباقي البشاميل وبعدين نغطي بطبقة من ميكس الجبن وننزل عليهم بباقي علبة القشطة مذابه في معلقتين كبار لبن ونغطي الوجه تماما
  7. لعمل البشاميل نحمر الدقيق في الزبدة على النار دقيقة وبعدين ننزل باللبن والشوربة ولازم نقلب باستمرار ونضيف الملح والفلفل الاسمر ونصف علبة القشطة
  8. مش هنسلق المعكرونة خالص و دي افضل حاجه ، هجيب صينية ادهن قعرها شوية بشاميل كويسين وارش رشة بقسماط مطحون
  9. هنرش بقسماط مطحون على الوجه هيدي لون وطعم مقرمش تحفة وندخلها الفرن سابق التسخين رف اوسط على درجة ٢٦٠ هتاخد حوالي نصف ساعة وممكن نولع الشواية وبالف هنا 🌺
عجبتك الوصفة؟
شوف كل وصفاتنا في مكان واحد
كل الوصفات →