→ كل الوصفات
طريقة عمل معكرونة نجرسكو بالفراخ والمشروم سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 400 ج معكرونة مقصوصة
- 2 صدور فراخ وسط
- 0.25 كيلو مشروم (فطر)
- لبن
- 2 فلفل اخضر
- و2 بصل (وسط)
- 4 معالق دقيق
- مكعبين مرقة
- جبة موتزاريلا
- فصين ثوم
- ملح
- فلفل اسود
- كاري
- جوزة الطيب
- ثوم بودرة
- وبصل بودرة
- 0.25 كوب خل
طريقة التحضير
- هتقطعى البصل والفلفل والثوم و صدور الفراخ قطع روبيان كدة وبعدين هتحطى كل التوابل عليهم والخل وتسيبهم يتبلو مع بعض لمدة 3 ساعات.. وكل ما تسيبيهم في التتبيلة كل ما طعمهم يبقى احلى
- بعد ما الفراخ تتبل تحطيعا على النار لحد ما تقرب تستوي وبعدها تحطى المشروم (الفطر) تقلبي تقليبتين لحد ما يقربو يستوو وشيليهم في جمب
- اسلقى المعكرونة خليها على النار عشر دقائق بس لانها هتكمل سواها في الفرن عشان وانتى بتقطعيها تطلع الواحدة ب واحدتها وتخليها على جمب
- نيجى للصوص زي البشاميل بالظبط بس بيبقي اخف.. 3 ملاعق سمنة بلدي وتقلبي فيهم الدقيق وتنزلى باللبن ومرقة الدجاج واظبطى الملح والفلفل لحد ما الخليط يبقى على مزاجك عاوزاه تقيل او خفيف براحتك
- وبعد كدة هتقلبيه في حلة الفراخ والنشروم وتقلبي.. وبعدين تحطى المعكرونة وتقلبي وتحطى الجبنة الموزتريلا (ولو جابة تزودى جبن زودى).. وتقلبي
- وبعد كدة هتحطى في صينية شوية وايت صوص من اللي عملتيه وتكونى مبقية شوية صوص عشان وجه الصينية
- وتقلبي في الصينية كل اللي قلبتيهم سوى مع بعض وبعد كدة حطى الوايت صوص وعليه جبنة موتزاريلا وتدخليها في الفرن على درجة حرارة عالية لحد ما الوجه بتاعها يحمر شوية وبالف هنا 😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد