→ كل الوصفات

معكرونة وايت صوص بقطع الفراخ والبسطرمة 🔥🍴

طريقة عمل معكرونة وايت صوص بقطع الفراخ والبسطرمة 🔥🍴 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • نصف كيس معكرونة اقلام مسلوقة
  • 0.5 كيلو فراخ بانيه
  • بسطرمة ، ممكن بدونها
  • رشة فلفل اسود
  • رشة ملح
  • رشة كاري فراخ
  • علبة كريمة طهي وممكن قشطة
  • كوب دقيق
  • معلقة زبدة
  • كوب لبن
  • كوب ماء
  1. هنحط الزبدة وعليها كوب الدقيق كأننا بنعمل بشاميل وهنقلب الدقيق في الزبدة لحد ما يطلع فقاقيع كدة نعرف انو خلاص جاهز اننا نحط كوب اللبن ونقلب بسرعه عشان الصوص بتاعنا ميكلكعش
  2. هننزل بكريمة الطهي لحد مالقوام يكون كويس لو بتحبي القوام بتاع الصوص خفيف شوية تقدري تزودي ماء وتقدري بعد كدة تحطي كل التوابل
  3. وتسيبي الصوص يغلي وكل مايتقل تزودي مياه
  4. بعد كدة هنبتدي نعمل الفراخ والبسطرمة هنقطع قطع الفراخ لشرايح صغيره بالطول والبسطرمة كمان نفس الكلام
  5. بعدين هنشوح الفراخ والبسطرمة في قليل من الزيت لحد مالفراخ تنزل المياه بتاعتها وتتبخر وكلو يتشوح في الزيت
  6. هنضيف المعكرونة في الصوص وعليها الفراخ والبسطرمة لو حبيتي تذودي توابل او خضار ينفع وبالهنااا🔥🔥
  7. 🔥ملحوظة 🔥المعكرونة لو مسلوقة من فتره وعايزه تجدديها تقدري تسخني مياه وتحطي فيها المعكرونة وتطلعيها تاني بسرعه هتكون كأنها لسة مسلوقة حالا وبلهنااا 👌🔥
عجبتك الوصفة؟
شوف كل وصفاتنا في مكان واحد
كل الوصفات →