→ كل الوصفات

معكرونة وايت صوص والسبانخ👌

طريقة عمل معكرونة وايت صوص والسبانخ👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 500 جرام سبانخ
  • باكيت معكرونه فيتوتشيني
  • كزبرة جافة وفلفل اسود وكاري
  • ملح حسب التذوق
  • 1/2 كوب جبنة كريمي او قشطة او كريمة لباني او ملعقة كبيره زبدة
  • كوبين لبن كبار
  • كوبين كبار شوربة
  • بصلة وسط مقطعة
  • ملعقة كييره سمن
  • 3 معالق كبار دقيق
  1. لو السبانخ مش مفرزه وهي فريش هنغسلها وتقطعها ونسيبها على جمب
  2. في طاسه غويطه على النار هنضيف ملعقة السمن والبصله ونقلبها كويس تتدبل هننزل بالسبانخ ونقلبها على نار عاليه لحد ما السبانخ تقل خالص وتكون ثلثين تسويه
  3. هنضيف الشوربه واللبن والدقيق والتوابل ونقلبهم على نار هادئة خالص مع بعض لما القوام يتقل وتتحول لصوص ولكن خفيف بسيط(لان المعكرونة هتكون نص سلقه وهتكمل تسويه في الصوص)
  4. هنضيف الجبنة او اي اختيار من المتاح ان وجد ونقلبه مع الصوص هننزل بالمعكرونة نص تسويه ونظبط الملح ونخليها تغلي دقيقتين ونقفل النار
  5. هنغطيها ونسيبها حوالى ١٠ دقائق تكمل تسويه وتتشرب الصوص بعدها هنشيل الغطا ونقلبها وتتقدم ساخنه وبالهنا 👌😘
عجبتك الوصفة؟
شوف كل وصفاتنا في مكان واحد
كل الوصفات →