→ كل الوصفات
طريقة عمل معكرونة وايت صوص وجمبري سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو جمبري
- كيس معكرونة
- كريمة لباني *طهي*
- 1 كيلو لبن
- 2 معلقة دقيق
- 2 معلقة سمنة
- فلفل رومي
- ملح وفلفل اسود حسب الرغبة
- ملعقه صغيره كمون
- رشة بصل باودر
- رشة ثوم باودر
- ملعقة صغيرة قرفة
- زعتر
- روزماري
- ثوم
- زيت
طريقة التحضير
- اول حاجة هنغسل الجمبري كويس ، و في طاسة او حلة نحط الزبت و معاه ثوم مطحون و نبتدي نقلبهم سوا لحد ما يدبلوا و نضيف عليهم الجمبري و اول مايبتدي يستوي نقطع الفلفل و نحط البهارات بتاعتنا كلها ، ملح ، فلفل، ثوم وبصل باودر ، زعتر ، روزماري ، كمون و نقلب تقليبتين وننقلهم في طبق بره
- في نفس الطاسة او الحلة اللي شوحنا فيها الجامبري هنحط معلقتين الدقيق و معلقتين السمنة و نقلبهم مع بعض و بعد كده نحط اللبن و نقلب لحد مايتقل حطيت عليهم موتزاريلا و مكعبين جبنة نستو و اسيبهن ياخدو غلوة ، بعدها هضيف عليه الكريمة و الجمبري و المعكرونة ووهقلبهم مع بعض و بردوا اسيبهم ياخدوا غلوة ❤️ بس مش هنسيبه يتقل اوي لانه مش بشاميل و بالهنا و الشفاااا
- في اختيار بقي ممكن تعملوه و انا حبيت اغير برضوا حطيت حبة من المعكرونة بالصوص و الجمبري في طاجن فخار ورشيت على الوجه موتزاريلا و دخلته الفرن 😌
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد