→ كل الوصفات

معكرونه اسباجتي بالفراخ 🍜

#دايت بدون ولا نقطة زيت صحيه ومشبعه 💪

  • 160 جرام معكرونه اسباجتي
  • 2 طماطم معصوره
  • 1 بصلة كبيرة مبشوره
  • ملح / فلفل اسود
  • ثوم / بصل بودر
  • 150 جرام صدور بانيه
  • 1 عصير ليمونة
  • ملح / فلفل اسود
  • ثوم / بصل بودر
  • كمون
  • بقدونس مجفف
  1. اول حاجه في حله نضع الماء تغلي ثم ننزل برشة ملح ونقلب واول ما تغلي ننزل بالمعكرونة تتسلق ونصفيه ونتركها على جنب (انا سلقت ٢٣٠ جرام وشلت منهم جزء بعد السلق طلع كتير)
  2. تاني حاجه نعمل الصلصله في حله صغيرة نضع (البصل المبشور + رشة ملح + فلفل اسود) ونقلبهم سواء على البارد
  3. ثم نضعهم على نار هادئة ونقلب في البصل لحد ما ريحته تتطلع ويتشوح شويه
  4. ثم ننزل بعصير الطماطم ونضع التوابل (ثوم + بصل بودر) ونقلب لحد ما تغلي ونهدي النار تتسبك ومن وقت لتاني نضع فنجان مياه لحد ما تسبك شويه ونظبط الملح
  5. ثم ننزل بالمعكرونة على الصلصله شويه بشويه ونقلب وحسب ما بتحبي الصوص جوسي نقلل المعكرونة او لو جاف نضع كل المعكرونة
  6. تالت حاجه بنحضر البروتين بتاعنا بجيب الصدور المغسول واقطعها مكعبات واتبلها ب (عصير ليمونة / ملح / فلفل اسود / كمون / ثوم وبصل بودر / بقدونس مجفف) ونقلبهم سوا كويس
  7. في طاسه تيفال غير لاصقه اهم حاجه تسخن ننزل بقطع الصدور ونقلبهم لحد ما تستوي وتأخذ لون ذهبي
  8. ثم في طبق التقديم نضع المعكرونة وعلى الوجه نضع قطع الصدور وبالف هنا 💪 ملحوظة 😎 : الكميات دي حسب نظامك والمسموح ليكي (انا المسموح لنظامي في المرحله دي كان من ١٠: ١٨ ملعقة معكرونه)
عجبتك الوصفة؟
شوف كل وصفاتنا في مكان واحد
كل الوصفات →