→ كل الوصفات

معكرونه اسباجتي وشاورما فراخ 😋

جربوها تحفه

  • معكرونه اسباجتي
  • ماء للسلق
  • حبه ملح
  • فلفل اسود
  • زيت وسمنه
  • صدور فراخ متقطعه شرايح او مكعبات
  • شرايح بصل
  • شرايح فلفل اخضر ورومي
  • قطع طماطم
  • معلقه كبيره بهارات شاورما
  • معلقه صغيره ملح
  • معقله صغيرة فلفل اسود على كمون وكزبره
  • 0.5 معلقه بابريكا
  • 0.25 ملعقة كاري
  • 0.5 معلقه صغيره ثوم باودر
  • معلقه كبيره خل
  1. بقطع صدور الفراخ شرايح او مكعبات زي ماتحبي وممكن تجيبي البانيه وتقطعيه انا استخدمت نص صدر فرخه وهقول المقادير على الاساس دا والنص صدر دا عملي حوالي طبقين من ال موجود فلصوره
  2. تاني حاجه بحط الخل على الفراخ بعد مااتقطعت وببدا احط كل التوابل ال كانت فوق التوابل وبهارات الشاورما والبابريكا والثوم الباودر والكاري ماعدا الملح وبقلب كل دا في بعضو كويس جدااا وبسيبها لو على الاقل 3 ساعات ممكن.تعمليها من بالليل للغدا او الصبح لو هتعمليها عشا كل مااتسابت في التتبيله كل ما بات احسن
  3. بعد كدا بجيب المعكرونه وبسلقها في ماء وملح بس.. بعد ماتتسلق بجهز حله فيها سمنه وشويه زيت وعليها حبه ملح و حبه فلفل اسود محترمين بقلبهم فلسمنه وبروح حاطه المعكرونه بعد ماتتسلق واقلب كوويس كدا لحد ما الفلفل يوصلها كلها وتباه زي الصوره لو عايزين تقدرو تعملو ليها صلصة منفصله لل عايز يحط بس انا مرضتش على حاطه طماطم فلشاورما
  4. نيجي لبعد المعكرونه ماتخلص بجيب طاقه واحذ فيها شويه زيت وبسخنها كويس وببدا انزل فيها الشاورما بتاعتي شويه شويه براحه مينفعش تنزل كلها مره واحده على ميتها متنزلش منها وتنشف... وبباه اقلب فيها مبحطش عليها اي نوع توابل تاني خلاص الا لو دوقتو بعد ماستوت وحسيتو عايزه تاني وبفضل اقلب فيها لحد ماتاخد سوى بسيط وبنزل عليها البصل والفلفل الشرايح واقلبها اول مايدخل على انه يذبل احط قطع الطماطم
  5. وبسيبها تستوي كلها في قلب بعض لحد وفلاخر بحطلها الملح ال قولتلكو عليه مش.هنحطو فلتتبيله فوق... واول ماتستوي وتأخذ الشكل ال فلصوره دا بنطفي وبتتقدم بالف هنا 😍
  6. ملحووظه.. انا بستخدم عموما توابل الخلطات بتاعه ماء واي وممكن برضو لو حبيتو قولولي وانا اصورلكو الانواع ال بستخدمها كلها من الخلطات وبستخدمها في ايه وكدا. كمان الوصفه دي ممكن تعملوها مع لحمة نفرومه وعصاج وبنفس الطريقه برضو بس بدل الفراخ لحمة مفرومه
عجبتك الوصفة؟
شوف كل وصفاتنا في مكان واحد
كل الوصفات →