→ كل الوصفات
#المريول_العالمي
المقادير
- 1/2 كيلو معكرونه اسباجتي
- 1/4 معلقه صغيره ملح
- 1/4 كيلو لحمة مفرومة
- 1 بصلة كبيره
- 1 قرن فلفل حامي
- 3 فصوص ثوم
- 3 ورقات نعناع فريش
- 1/2 معلقه صغيره فلفل اسود
- 1/4 معلقه صغيره قرفة
- 1/4 معلقه صغيره ملح
- 1/2 معلقه صغيره 7 بهارات
- معلقه صغيره زيت
- معلقتين كبار زيت
- معلقتين كبار دقيق
- معلقتين كبار صلصه
- 1/4 كيلو لبن
- كوب ماء مغلي
- مكعب مرقه لحمة
- 1/2 معلقه صغيره 7 بهارات
- رشه جوزه الطيب
- 1/4 معلقه صغيره زنجبيل
- 1/2 معلقه صغيره ثوم بودر
- 1/4 معلقه صغيره فلفل اسود
- 1/4 معلقه صغيره شطه
- رشه قرفة
- 1/4 معلقه صغيره ملح (بندوقها ونشوف محتاجه ولا لا)
طريقة التحضير
- في كبه هننزل فيها بالفلفل الحامي والبصل والثوم والنعناع ونضربهم واحدة واحدة عشان متنعمش اوي تبقي زي اللي في الصوره كده
- هننزل بيهم على اللحمة المفرومه ونحط الفلفل الاسود والملح والقرفه والسبع بهارات ونعجنهم بايدينا كويس ونسبها ترتاح شويه
- هندهن الصينية بالزيت ونكور اللحمة المفرومه وندخلها الفرن درجه حراره ١٨٠ ونسبها لحد ما تبقي باللون اللي في الصوره كده
- وهي في الفرن هنجيب حله فيها ماء مغلية وملح هنسلق المعكرونة واول ما تستوي هنصفيها ونغسلها عشان متعجنش وسبيها على جمب
- واول ما اللحمة تستوي هنحطها في طبق وفي الصينية على نار متوسطة هننزل بالزيت والدقيق ونقلبهم لحد ما ياخذ اللون الذهبي بعدين هنجمعهم على جمب وننزل بالصلصه واول ما لونها يتغير هنقلب وندمجهم مع الدقيق بعدين ننزل عليهم بكوب الماء ونقلب بالمضرب اليدوي عشان متكتلش ونسبها تسبك شويه لو حسيتي انها محتاجه ماء زودي
- اول ما تسبك معاكي هتنزلي عليها باللبن وتقلبي وتنزلي بالمرقه والسبع بهارات والفلفل الاسود والثوم البودر والقرفه والجنزبيلوالشطه وجوزه الطيب وتقلبيهم وتسبيها تغلي شويه لحد ما القوام يبقى متماسك هتشيلي كبشه كده تزيني بيها الطبق وهتنزلي عليها بالمعكرونة وتقلبيهم مع بعض كده عشان المعكرونة تسخن وتقدميهم مع بطاطس مقليه وبالف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد