→ كل الوصفات

معكرونه بالبشاميل بحشوة الفراخ 😋💓

والفراخ بتكون عليهاكاتشب وبضيف جبنه موتزاريلا ليها بتكون من أحلى وصفات المعكرونة إللي بحبها بجد طعمها حلو أوي جربيها هتعجبك جداً 👌😍

  • 1 كيس معكرونه النوع المفضلة عندك
  • لعمل الحشوة نحتاج
  • 1/2 كيلو صدور فراخ مقطعة مكعبات
  • 1 بصلة كبيرة مبشورة
  • 1/4 ملعقة صغيرة ثوم مفروم
  • 1/2 ملعقة صغيرة ملح
  • 1/2 ملعقة صغيرة فلفل اسود
  • 1/2 ملعقة صغيرة بابريكا
  • 1/2 ملعقة صغيرة بهارات فراخ
  • 2 ملعقة كبيرة كاتشب
  • 2 فلفل أخضر مقطع مكعبات صغيرة
  • لعمل البشاميل نحتاج
  • 3 ملاعق كبيرة دقيق
  • 3 ملاعق كبيرة زبدة
  • 3 قطع جبنة كيري
  • 3 كوب لبن
  • 1/2 ملعقة صغيرة ملح
  • 1/2 كوب جبنة موتزاريلا
  1. أولاً نسلق المعكرونة في ماء مغلي مضاف إليه ملعقة صغيرة ملح وملعقتين زيت ونسلقها المعكرونة حوالي 7 دقائق وبعد كدة شيلي المعكرونه وصفيها من الماء😍
  2. جيبي مقلايه غويطه وحوطي فيها حبة زيت وملعقه زبدة وحوطي فيها مكعبات الفراخ وطبعاً الفراخ مغسولة كويس وبعد كده حوطي عليها الملح والفلفل والبابريكا وبهارات الفراخ وقلبيهم مع بعض كويس لحد لما الفراخ تتحمر حبه وبعدين ضيفي البصل والثوم والفلفل الأخضر وقلبيهم مع بعض 😍
  3. ضيفي بعد كده الكاتشب على الفراخ وقلبيهم وأقفلي النار عليهم وسيبيهم لحد لما نستخدمهم في حشوة المعكرونه😍
  4. لعمل البشاميل:جيبي حاجة مناسبه حوطي فيها الزبدة او سمنه إللي متوفر عندك وبعد كدة ضيفي الدقيق وقلبيهم مع بعض كويس وبعد كده ضيفي اللبن ويكون بارد وإستمري في التقليب وبعد كده ضيفي الجبنة الكيري والملح وقلبيهم مع بعض لحد لما يتقل القوام ويكون كريمي 😍
  5. نحضر المعكرونه بئا 🤩جيبي صينية وإدهنيها بالزيت وحوطي فيها نصف كمية المعكرونة وبعدين حوطي عليها 4ملاعق من البشاميل وزعيهم كويس على المعكرونه وبعدين ضيفي الفراخ وبعدين النصف الثاني من المعكرونه وبعدين حوطي الجبنة الموتزاريلا وبعدين حوطي البشاميل وزعيه كويس على المعكرونه😍
  6. دخلي الصينية الفرن على درجة حرارة 200 لحد لما تتحمر وتأخذ لون ذهبي حلو وبعدين خرجيها من الفرن وقدميها بعد لما تبرد قدميها في أطباق التقديم وأستمتعي بالطعم التحفة بجد🤩 روعة هتعجبك جداً 👌وبالعافيه عليكى حبيبتي 😘🤗💓🌹
عجبتك الوصفة؟
شوف كل وصفاتنا في مكان واحد
كل الوصفات →