→ كل الوصفات
طريقة عمل معكرونه بالبشاميل بطريقتي🍴😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيس معكرونه اقلام
- 1/2 كيلو لحمة مفرومه
- كيلو لبن
- 4 معالق كبار سمنه او زبده
- 4 معالق كبار دقيق
- مكعب ماجي
- ملح
- فلفل اسود
- 2 بيض
- 3 معالق كبار صلصله طماطم
- 1 بصله وسط
- موتزاريلا
طريقة التحضير
- اول حاجه بعضج اللحمة بجيب حله واحط ملعقة سمنه ومعلقه زيت وننزل بالبصله مقطعة مكعبات ونسيبها تتدبل وننزل باللحمه المفرومه ونقلب لحد ما يتغير لونها وبعدين ننزل بالملح والفلفل الاسود وبهارات لحمة ورشة قرفه ورشه جوزه الطيب وصلصله الطماطم
- تاني حاجه بسلق المعكرونه في مياه وملح من غير زيت
- تالت حاجه بنحضر البشاميل بنجيب حله ونحط ٤معالق سمنه و٤معالق دقيق كبار ونقلب بالمضرب اليدوي وبعدها ننزل بكيلو اللبن وننزل بالتوابل ملح وفلفل اسود وكعب ماجي ونفضل نقلب لحد ما يغلي والقوام يتقل وننزل بشويه جبنة موتزاريلا ونقلب لحد ما تسيح جوه البشاميل (وبحط كيس لبن بودر او معلقتين بيخلو القوام كريمي جدا)
- وبنحط شويه بشاميل على المعكرونه ونقلبهم سوى وبعدها بنحط على باقي البشاميل بيضه ونقلب
- ونجيب صينيه ونحط سمنه بالفرشه ومعلقه بالشاميل وبعدها ننزل باغلب المعكرونه (عايزه القعده تكون متماسكه) ثم اللحمة المفرومه ونسيب ملعقة من اللحمة المفرومه (هنحط عليها ملعقة سمنه سايحه وبيضه ونضربهم مع بعض هيبقي وجه البشاميل) وننزل بباقي المعكرونه ثم البشاميل وعلى الوجه نحط الوجه الى قولت عليه ونوزعه بالفرشه وندخل الصينيه فرن سابق التسخين وبتقعد ساعة وبعدها نسيبها تبرد شويه ونقدمها علشان تطلع الخرطه بخرطيتها او او بتحبي تاكل سيحها قدميها ساخنه وبالف هنا 😋👌
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد