→ كل الوصفات
#رمضان_كريم
المقادير
- 1/2 كيلو معكرونه قلم
- 1/2 كيلو صدور دجاج مقطع شاورما
- بصله
- ملح
- وفلفل اسود
- حبهان
- ولورا
- فلفل اخضر
- معلقه سمنه
- كوب دقيق
- 1/2 كيلو لبن
- شوربه فراخ
- 3 بيض
- جبنة رومي أو موتزاريلا
طريقة التحضير
- اولا باضع الفراخ مع البصله مبشوره وفلفل اخضر والتوابل واقلبها واحطها على النار من غير اي دهون واغطى الحله على نار هاديه لحد لما تستوي وتشرب ميتها إللى نزلت منها
- المرحله التانيه البشاميل ملعقة واحده سمنه مع ملعقة دقيق بقلبها على النار شويه بعد كده بادوب باقي كوب الدقيق مع اللبن البارد وبانزله على ملعقة السمنه والدقيق مع التقليب المستمر وبكمل بشوربه أو ماء ومرقه فوريه تقريبا نفس مقدار اللبن واستمر في التقليب لحد لما القوام يتقل معايه وبازبط الملح والفلفل
- وطبعا المعكرونه مسلوقه نص سوى ولما البشاميل يبرد بانزل بيضتين وضربهم كويس وبانزل بجزء من البشاميل على المعكرونه واقلبها وفي صينيه أفرد نص المعكرونه وفوقها الفراخ ورشه جبنة وبعدين بنرص باقي المعكرونه ونضرب البيضه التالته مع باقي البشاميل وباقي الجبنة وننزله على المعكرونه وتدخل الفرن وبعد التسويه نلمع الوجه بفرشاه سمنه 👌بامانه طعمها تحفه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد