→ كل الوصفات
طريقة عمل معكرونه بالبشاميل 🍽 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيس معكرونه قلم صغير
- لحمة مفرومه نكون مجهزنها للحشو
- مكونات البشاميل
- لتر لبن(حوالي 4 كوب)
- 8 معالق كبيره دقيق
- زبده أو زيت حسب الرغبه
- جبنة كيري مكعبين أو اي نوع جبنة نستو قطعتين
- جبنة رومي مبشوره
- جبنة موتزاريلا
- ملح وفلفل
طريقة التحضير
- هنسلق المعكرونه ونضعها جانبا
- نبدأ بعمل البشاميل اهم خطوه 🤩لنجاح صينيه المعكرونه
- في حله يكون حجمها وسط نسيح قطعه زبده حلوه أو لو هنستعمل زيت حسب الرغبه ونحمر فيها الدقيق
- ننزل باللبن شويه شويه مع التقليب ويكون اللبن درجه حرارته عاديه مايكونش سخن ونقلب كويس بالراحه وابدأ انزل الجبن قبل مايتقل
- ممكن استخدم المضرب اليدوي في التقليب عشان أتأكد ان كل حاجه اتقلبت كويس مع بعض اشوف المذاق بتاع البشاميل وبعدين ابدأ اظبط الملح والفلفل لان الجبن بتحدقه شويه
- اخر واهم خطوه كمان رص الصينيه ارض الصينيه صف صف من المعكرونه ليه بقي ؟! عشان الصينيه تأخذ كميه مش كتير من المعكرونه والبشاميل يبقى باين فيها والمعكرونة متنشفش.نرص اول طبقه ونحط عليها بشاميل ونحط اللحمة المفرومه طبقه تانيه من المعكرونه وباقي البشاميل وتسبيها في الفرن حوالي ٤٥ - ٥٠ دقيقه وبألف هنا ☺️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد