→ كل الوصفات
هيا مش اختراع بس التكات بتفرق في الطعم 😉
المقادير
- معكرونه قلم مسلوقه
- بيضتين
- بقسماط مطحون
- زبده
- م ك سمنه
- 3 م ك دقيق
- مرقه دجاج
- جبنة رومي
- جبنة موتزاريلا
- معلقه قشطه
- شويه ماء دافيه
- ملح
- سمنه
- ولحمه طبعاً 😄
- ملح وفلفل
- بصله مفرومه
- فلفل رومي متقطع فليفله صغننه اوي
- قرفة
- زنجبيل
- جوزه الطيب
- وبهارات لحمة
- جبنة رومي وموتزاريلا
طريقة التحضير
- هنحضر البشاميل : هنحط السمنه وبعدين الدقيق ونقعد نقلب لحد ما الدقيق يفك ويأخذ لون ذهبي وبعدين هنحط مرقه الدجاج ونقلب وشويه جبنة رومي بقه مع موتزاريلا بسيط متفتروش وتخربو بيت الراجل 😂 ومعلقه قشطه بتخلي البشاميل حكايه 😍 ونقلب ونسيحهم سوا ونحط شويه كريمه لباني وده اختياري وبعدها شويه الماء الدافيين والملح ونفضل نقلب متخلوهاش تتقل اوي ومتعملوهاش خفيفه خلوها متوسطه
- خطوه مهمه** هنجيب بيضه ونحطها في البشاميل بعد ما يخلص ليه بقه لان البيض مش بيخلي البشاميل يتفرفت واحنا بنقطع القطعه بعد ما بتبرد بتطلع الحته بحتتها كده 😍 والخطوه دي هنعملها بعد ما البشاميل يهدا شويه من السخونيه ونقلب كويس
- تعصيج اللحمة بقه 😋 : سمنه ونحط اللحمة المفرومه نسبها تسخن شويه مع السمنه ونحط الملح والفلفل ولما لونها يغير بنحط البصله المفرومه والفلفل الرومي وفوقيهم القرفه والزنجبيل وجوزه الطيب وبهارات اللحمة ونسيب اللحمة تستوي وبعد كده هحط جبنة رمي وموتزاريلا بسيط واشيلها من على النار بقه
- هنجيب البايركس بقه وندهنه بالزبده وطبقه بقسماط فوقيها علشان متلزقش وبعدين طبقه معكرونه وطبقه بشاميل فوقيهم وبعدين طبقه لحمة مفرومه وبعدين طبقه ممرونه تاني وطبقه بشاميل تاني وطبقه لحمة تاني واخر شويه معكرونه على الوجه بقه وبعدين اخر شويه في البشاميل هحط عليهم بيضايه تانيه وجبنه رومي وموتزاريلا واقلب شويه وبعدين هحطهم بقه على الوجه ونغرق الوجه بيهم
- هنكون مسخنين الفرن كويس ونحطها بالكتير نص ساعة ومتنسوش تحمرو الوجه شويه في الاخر خالص وبألف هنا 😍😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد