→ كل الوصفات
انا بحب اعملها بطريقه دي والله حلوه جداً وهتعجبكم المهم عارفين هي ليه اسمها كده كان في واحد اسمه الماركيز دي بشاميل كان لما بيروح اي مطعم يطلب معكرونه بصوص ابيض في إكراما له سموها كده #الشيف_الذهبي #عمايل_ايديا #باستا
المقادير
- كوب دقيق
- م ك سمنه
- م ك زيت
- 1/2 لتر حليب سخن
- مرقه ساخنه او شوربه على حسب قوام محتاج اد ايه
- 2 بيضه
- ملح وفلفل حسب الرغبه
- جبن موزاريلا او كريمي لو شيدر (اختياري)
- شطه (اختياري و على حسب الرغبه)
- كيلو الا ربع معكرونة بيني (اقلام) مسلوقه ومصفى
- ملح وفلفل حسب الرغبه
- بيض (اختياري)
- 2 :1 ملعقة كبيرة صلصة (اختياري)
- صوص بشاميل
- بقسماط
- 1/2 كيلو لحمة مفرومه معصجه
- سمنه
طريقة التحضير
- هنعمل البشاميل الاول. هنجيب حله نحط سمنه وزيت ولما تسيح سمنه هنحط الدقيق ونقلب لحد ما لونه يتغير و يكون ذهبي وتحسي انه بقى كريمي هنرفعه من على النار و نحط الحليب بالتدريج مع تقليب المستمر علشان مايعملش كتل وبعدين هنحط المرقه ونقلب لحد مانوصل للقوام المطلوب حسيتي ان المرق قليل وليه قوام محتاج اغلي حليب او مرقه تاني
- المهم لما نوصل للقوام المطلوب هنحطها تاني على نار ولما تبدأ في الغليان مع تقليب المستمر وتظهر الفقاعات هنقفل عليها ولما تهدى هنحط البيضتين و توابل والجبن ونخلطهم كويس اوي
- بالنسبه للمعكرونه هنجيب بوله او حله نحط فيها المعكرونه والملح والفلفل و في ناس بتحب تحط الصلصة وبيضه ونخلطهم كلهم مع بعض ونجيب معلقتين كبار من صوص بشاميل نخلطهم كويس
- نجيب صينيه مدهونه سمنه و نحط رشه بقسماط (في ناس بتحب بدل البقسماط تحط ملعقة كبيرة من صوص بشاميل) نأخذ جزء من معكرونه ونفردها في صينيه نعمل طبقه معكرونه ونحط عليها اللحمة المفرومه المعصجه وبعدين طبقه تانيه من معكرونه وبعدين نحط صوص بشاميل الباقي كله وبعدين ترشي البقسماط وتحطيها في الفرن لحد ماتستوي بعدين اولع من فوق تأخذ لون وأطلعها وبألف هنا♥️
- في ناس مابتحبش تحط بقسماط فوق ساعتها هتحطي الصينيه بالشاميل في الفرن تستوي وبعدين نطلعها ونرش جبن ونرجعها للفرن تأخذ لون وجبن تسيح وفي ناس بتحب تحط طبقه بيضه من فوق في براحتك
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد