→ كل الوصفات

معكرونه بالبشاميل

#صدقة_جارية

  • كيلو معكرونه قلم
  • ماء لسلق المعكرونه
  • معلقه ملح حوالي
  • معلقه زيت
  • ½ كيلو لحمة مفرومه
  • بصلتين او ثلاثه متوسطين
  • 2 فلفل رومي احمر او اخضر
  • ½ معلقه من كل من ملح وفلفل اسود وكمون وبهارات وورقه مرقه دجاج
  • رشه جوزه الطيب رشه سكر صغيرة
  • 4 معالق سمنه
  • 4 معالق دقيق
  • كيلو لبن
  • حته قشطه او كريمه لباني اللي موجوده عندك
  • مرق الدجاج و ملح و فلفل اسود و رشه جوزه الطيب
  1. ملحوظه انا باعمل لكيلو المعكرونه كيلو لبن ونصف كيلو لحمة و للبشاميل اربع ملاعق دقيق عليهم اربع ملاعق سمنه او زيت دي المقادير المضبوطه لصينيه واحده ده بالنسبه لي بيبقى مزبوط يعني
  2. نيجي بقى للطريقه اول حاجه ها تسلق المعكرونه في الماء عليها الملح و ملعقة الزيت ولما تستوي ثلاثه اربعه سوى اصفيها
  3. نيجى للحشو اول حاجه ها فرم البصل واحطه في الحله فيها معلقتين سمنه او زيت وقلبهم مع بعض لغايه البصل ما يبقى شفاف وبعدين انزل عليهم باللحمه وبعدين عليها الفلفل والبهارات ولما تستوي اطفي عليها
  4. اخر حاجه نعملها في المعكرونه بالبشاميل اللي هو البشاميل عشان لازم يبقى سخن اجيب حله احطه فيها السمنه عليهم اربع ملاعق دقيق وقلبهم مع بعض بالمضرب السلك لغايه ما الدقيق يستوي وبعدين انزل عليهم باللبن وقلب قلب قلب وبعدين الكريمه اللباني او القشطه وبعدين الملح والبهارات وبس كده
  5. اجيب بايركس احط طبقه من المعكرونه عليها شويه بشاميل وقلبهم مع بعض في قلب البايركس وبعدين طبقه من اللحمة وبعدين طبقه معكرونه وبعدين انزل بالبشاميل بقى كثير واكون مسخنه الفرن وادخله في الفرن على الرف الوسطاني لغايه ما تستوي او تتشمع حوالي نصف ساعة او ساعة الا ربع وبالهناء والشفاء
عجبتك الوصفة؟
شوف كل وصفاتنا في مكان واحد
كل الوصفات →