→ كل الوصفات
طعمها حلو اوي وتتاكل وهى ساخنه بالكاتشب 👍👌
المقادير
- كيس معكرونه قلم كيلو
- ماء للسلق
- معلقه صغيره ملح وخل وزيت
- نص ك من اللحمة المفرومه
- بصله
- معلقه سمنه متوسطه
- ملعقة صلصة صغيرة
- معلقه ملح صغيرة
- معلقه فلفل اسود صغيرة
- البشاميل
- 3 معالق دقيق كبيره
- معلقه زيت ك ومعلقه سمنه ك
- كيلو لبن
- بيضه
- جبنة موتزاريلا
طريقة التحضير
- هنسلق المعكرونه هنحط في الماء ملح وخل وزيت علشان متلزقش هتتسلق ونصفيها
- هنعصج اللحمة هنحط المقادير كلها على النار ونقلب كويس واما تأخذ لون هننزل بمعلقه الصلصة ونقلبها كويس ونطفى لحد ما تستوي
- هنحضر البشاميل هنحط الزيت والسمنه والدقيق يسخنو وبعدين نخفف النار وننزل باللبن مع التقليب جامد علشان ميكلكعش وبسرعه يدوبك يسخن هننزل بالملح والفلفل الاسود و البيضه ونقلب كويس بس تبتدى تتقل نطفى
- هنجيب الصينيه وندهنها زيت بسيط هننزل بالمعكرونه وعليها حبه بشاميل نقلبهم كويس ونفردهم في الصينيه هننزل باللحمه المفرومه ونفردها كويس ونحط طبقه موتزاريلا وبعدين نص المعكرونه التاني بالبشاميل ونفردها كويس ونحط باقي البشاميل ونفرده كويس ونحط موتزاريلا
- ندخلها فرن ساخنه على درجه وسط عشر دقائق وفتح الشوايه نحمر الوجه والف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد