→ كل الوصفات
طريقة عمل معكرونه بالبشاميل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ كيلو لحمة مفرومه
- بصله متقطعه صغير اوي
- كيس معكرونه اقلام
- لتر حليب
- جبنة شيدر او موزاريلا
- ملعقة صلصة
- ملح وفلفل اسود حسب الرغبة
- كمون
- 3 معالق كبار ونص دقيق
- 3 معالق ونص سمنه
طريقة التحضير
- اول حاجه هنعصج اللحمة....نشوح البصله وننزل باللحمه وبهارتنا ومعلقه الصلصة ونقلب ونهدي عليها تتعصج
- في الوقت دا نكون حاطين ماء تغلي وفيها نقطه زيت ورشه ملح عشان نسلق المعكرونه واول ماتغلي ننزل بالمعكرونه تتسلق
- للبشاميل.على نار متوسطه هننزل بالسمنه بس مش هنسيبها تسخن يذوب تفك كده م بعضها ننزل عليها بالدقيق ونقلب على طول لحد مايدوب في بعضه وميبقاش فيه اي كتل... وننزل عليها باللبن واحده واحده ونقلب لحد مايتقل ويديني قوام البشاميل اللي عاوزاه. واحط عليه رشه فلفل اسود ورشه ملح بسيطه
- انا كنت عاوزاه خفيف شويه ممكن تزودوا كمان نص ملعقة دقيق ونص سمنه لو عاوزينه اتقل
- اخد المعكرونه واقلبها في شويه بشاميل عشان تمسك في بعضها وممكن تضيفي بيضه بتمسكها في بعضها اكتر ومبتبانش خالص
- صينيه واحط فيها نص المعكرونه وبعدين اللحمة وباقي المعكرونه والبشاميل على الوجه وارش اي نوع جبنة حباه
- تدخل الفرن على حراره عاليه لحد ما البشاميل يبدأ يغلي كده وتحمر م تحت اشغلها الشوايه تأخذ لون ونقطعها وهي ساخنه بيكون البشاميل سايح وجميل
- ملحوظه/ انا محطتش على الوجه بيض ولا اي نوع جبنة وكانت جميله فلو مفيش جبنة عادي😂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد