→ كل الوصفات
طريقة عمل معكرونه بالبشاميل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 ك معكرونه اقلام
- 1/4 ك لحمة مفرومة
- 4 معالق دقيق
- 4 معالق سمنه
- 1/2 كيلو لبن
- ملح
- فلفل اسود
- بصلة مفرومة
- 1 حبه طماطم مفرومة
- 2 فص ثوم
- جوزه الطيب
- مكعب مرقه
- رشه كمون -كزبره -السبع بهارات
طريقة التحضير
- تعصيج اللحمة: نضع ملعقة سمنه ونضيف البصله وبعدها فصين ثوم على اما تأخذ لون ونضيف اللحمة ولما تتشوح مع البصله والثوم نضيف الطماطيه ونقلبهم وبعد كده التوابل وكدا تكون اللحمة جاهزة
- للبشاميل: نضيف 4 معالق سمنه عليهم 4 دقيق واما نشم ريحتهم مع بعض نضيف اللبن ونقلبهم مع بعض لحد ما يتقل ولو تقل خالص ممكن تزودي شويه من ماء سلق المعكرونة وتضيفي الملح والفلفل الاسود ورشه جوزه الطيب ومكعب مرقه وبكدا يكون جاهز
- بعد اما نسلق المكرونة في ملح فقط وياريت بلاش زيت علشان البشاميل مش بيمسك في المعكرونة نجيب صاج وسط وندهنه حبة من البشاميل ونضع شويه من المعكرونة مع شويه بشاميل ونقلبهم وبعدين اللحمة المتعصجه وبعدين بقيت المعكرونة وبقيت البشاميل على الوجه وندخلها الفرن على 180 لمده من 20 الى 30 دقيقة وممكن تضيفي شويه جبنة موتزاريلا على الوجه لو حابين وبعد كده هتكون جاهزة وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد