→ كل الوصفات

معكرونه بالبشاميل

معكرونه بالبشاميل (العشق الذي لاينتهي 😊) #احنا_المصرين

  • كيلو معكرونه بنا (قلم)
  • 0.5 كيلو لحمة مفرومه
  • بهارات لحم
  • ملعقه كبيره صلصه طماطم
  • رشه كزبرة ناشفه
  • 2 فص ثوم مهروس
  • بصل متقطع صغير
  • حبه فلفل رومي متقطع صغير
  • رشه قرفة (اختياري)
  • مكعب مرقه
  • جبنة رومي او موزاريلا
  • مقدير البشاميل
  • لتر حليب
  • 4 معالق دقيق
  • معلقه سمن كبيره او زبده
  • 2 مكعب جبنة مثلثات (اختياري)
  • ملح
  • فلفل اسود
  1. تسلق المعكرونه نصف سلقه في ماء مغلي مع قليل من الملح والزيت
  2. في طاسه نضع السمن ونضيف عليه فص مستكه واول مادوب في السمن انزل بالبصل المتقطع واقلب لغايه مايبقه لونه ذهبي فاتح أضيف بقه الفلفل الرومي المقطع صغير وانزل عليه باللحمه المفرومه
  3. اقلب اللحمة كويس لغايه ماتاخد لون احط بقه عليها التوابل اللي عندنا في المقادير وقلب واحط مكعب المرق وبعدين ملعقه الصلصة ونضيف شويه ماء عليها ونقلب ونسبها تستوي على نار هادئة
  4. نجي بقه للبشاميل في وعاء متوسط احط السمن او الزبده وانزل بالطحين (الدقيق) وقلب لغايه مالقى الطحين بقه لونه ذهبي محمر شويه انزل بالحليب مع التقليب المستمر واول مالقيه ابتده ياخذ قوام انزل عليه بالجبنه المثلثات او مربعات اللي متوفر عنديك وقلب كويس هتلاقي الخليط أصبح كريمي وجميل اطفي عليه وتعالي بقه نركب الطاجن على بعض
  5. هنجيب الطاجن او الصينيه اللي عندنا على حسب الكميه اللي انتي عملها ونحط في القاع شويه بشاميل ونفردهم كويس وبعدين اجيب المعكرونه وحط عليها حبه من البشاميل وقلبها كويس وبعدين انزل بنص الكميه في الطاجن او الصينيه وبعدين احط اللحمة المفرومه ونفرشها كويس
  6. نحط عليها شويه جبنة وبعدين ننزل بي باقي المعكرونه واظبها في الطاجن ونحط عليها البشاميل ونسويه كويس في الطاجن ونمسح اي زياده علشان مش تتحرق مننا في الفرن ونرش بقه على الوجه الجبنة
  7. وندخلها في فرن سخن على الرف الوسط لمده نص ساعة وبعدين افتح عليها الشوايه شويه علشان الجبنة تأخذ لون حلو وبالف هنا
عجبتك الوصفة؟
شوف كل وصفاتنا في مكان واحد
كل الوصفات →