→ كل الوصفات
طريقة عمل معكرونه بالبشاميل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيس معكرونه (مسلوقه)
- 4 معالق اكل دقيق
- 4 معالق اكل سمنه ومعلقه زيت
- ملح ومكعب مرقه دجاج وفلفل اسمر
- 3 اكواب لبن
- 0.25 كيلو لحمة مفرومه وبصله مقطعة ومعلقه صلصة جاهزة ومعلقتين سمنه
- وتوابل لحمة وملح وفلفل اسود
- بيضه
طريقة التحضير
- بعد ما سلقنا المعكرونه هنجيب حله ونحط فيها الأربع ملاعق السمنه والزيت لحد ما ييسخنو وننزل بالدقيق ونقلب لحد ما لونه يغمق يبقى مقرب البني وبعدين نطفي النار وننزل باللبن ونقلب لحد ما نوصل القوام اللي احنا عايزينه وبعدين نحط التوابل والمرقه
- وهنجيب طاسه ونحط معلقتين السمنه وننزل بالبصله المفرومه ونقلب لحد ما تصفر وننزل باللحمه ومعلقه الصلصة والتوابل ونسبها تستوي
- هنجيب صينيه وندهنها سمنه ونحط كبشه من البشاميل ونفردها في الصينيه وهنجيب المعكرونه ونقلبها في حبه من البشاميل ونحط نصفها في الصينيه وبعدين اللحمة وبعدين النص اللي باقي من المعكرونه وبعدين نحط البشاميل وبعدين هنجيب البيضه ونقلبها مع حبه ملح صغيرين وفلفل اسمر ونحطها على وجه الصينيه وتدخلها الفرن ونسبها تستوي وبالهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد