→ كل الوصفات
طريقة عمل معكرونه بالبشاميل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو معكرونه اقلام مسلوقه
- كيلو ونص لبن
- كوب مرقه (شوربه يعني)
- كوب دقيق
- ملح وفلفل
- 0.5 كيلو لحم مفروم معصج
- ملعقتين كبار سمن او زبده زي ماتحبي
- 2 بيضه
طريقة التحضير
- تحضير البشاميل.على النار حطي السمنه واول ماتسخن انزلي بالدقيق وقلبي بسرعه وارفعيه من على النار وحطي نص اللبن ويكون سخن وقلبي بسرعه وبعدين كوب الشوربه وتكون بارده وبعدين باقي اللبن وكل ده وانتي بتقلبي بسرعه بمضرب او ملعقة خشب ضيفي الملح والفلفل وحطي تاني على النار ثواني وهتلاقي مسك اطفي عليه
- ادهني الصينيه الى هتعملي فيها سمنه وبعدين حطي كبشه بشاميل تحت
- قلبي المعكرونه مع شويه من البشاميل وبعدين اقسميها نصها تحت وبعدين حطي اللحمة وبعدين باقي المعكرونه وفوق الباقي من البشاميل واخر حاجه هتجيبي بيضه او اتنين حسب حجم الصينيه وتضربيها مع شعره ملح وفلفل وتدهني بيها الوجه
- دخليها الفرن واول مااطرفها تحمر.ولعي الشوايه علشان الوجه يحمر.والف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد