→ كل الوصفات
طريقة عمل معكرونه بالوايت صوص سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو معكرونه قلم
- 1/2 كيلو صدور فراخ مقطعة شاورما (شرايح رفيعه)
- بصله كبيره مقطعة صغير
- 5 فصوص ثوم مقطع ناعم
- مكعب مرقه
- 2 كوب كريمه طبخ (2علبه)
- معلقه دقيق
- معلقه زبده
- ملح وفلفل اسود حسب الرغبة
- رشه جوزه الطيب
- 2 معلقه بقدونس مفروم ناعم
- جبنة رومي مبشوره
طريقة التحضير
- في طاسه على النار نضع الزبدة واول ماتسيح ننزل بالبصل والثوم ونشوحهم كويس وبعدين ننزل بشرايح الفراخ ونشوحهم كويس
- ننزل بالملح والفلفل ورشة جوزه الطيب ومكعب المرقه و الكريمه والدقيق ونقلب كويس
- اول مايغلي الخليط ننزل عليه بالبقدونس المفروم ونطفي النار
- نسلق المعكرونه في ماء به ملعقة صغيرة ملح ونسلقها سلق كامل وبعد السلق نغسلها كويس (المعكرونه لااااازم تتغسل يا جماعه في كل الوصفات الى بتتسلق فيها)
- هننزل بالمعكرونه على الصوص الابيض الساخن ونقلبهم في بعض ونقدمهم ونرش جبنة رومي على الوجه وبالهنا والشفا ❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد