→ كل الوصفات
#معكرونه #بشاميل #تحفه #جديدة
المقادير
- معكرونه اقلام
- لحمة مفرومه متعصجه
- بشاميل
- 0.5 كيلو لبن
- 4 معالق دقيق
- و ملعقة كبيره نشا
- مكعب مرقه
- وملح
- وفلفل اسود
طريقة التحضير
- ماء فيها معلقتين كبار زيت وشويه ملح ولما تغلي نسلق فيها المعكرونه ، ونطلعها مش مستويه اوي عشان ليه هاتدخل الفرن
- نعصج اللحمة (بصله نشوحها وننزل باللحمه والتوابل فلفل اسود وحبهان بودرة وبهارات اللحمة وملح لحد ما تستوي)
- البشاميل على حسب مقاس الصينيه بتاعتك بالنظر كدا (انا عامله نص كيلو لبن عليه كوب ماء ونسيبه يغلي) ونجيب طبق صغير نذوب فيه مكعب مرقه وملح وفلفل اسود و ٤ ملاعق دقيق و ملعقة النشا وندوبهم جامد لحد ما الدقيق يفك ) اول ما اللبن يغلي ننزل بالخليط دا براحه في اللبن ونقلب لحد السمك اللي انتي عايزاه 😍 الطريقه دي تحفه وسهله جداً ومش هايكلمع منك الدقيق ولا اي حاجه
- الصينيه بقي ندهنها زيت خفيف وترشي عليه بقسماط مطحون رشه خفيفه دا بيخلي المعكرونه ما تلزقش وطعمها حلو من تحت ونرص فيها المعكرونه شويه تحت وبعدين اللحمة وبعدين نكمل
- على الوجه بلاش بيض ، ممكن تحطي قشطه او وجه اللبن ، انا بحب احط جبن مشكله (ومودوريلا وشيدر ورومي) بتبقي تحفه 😍 وندخلها الفرن. وبالف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد