→ كل الوصفات

معكرونه بشاميل بالخضار بطريقتي الخاصه ولا اروع🌶️😋

#يوميات_رمضان 😍 ممكن تستخدموا اي خضار بتفضلوه عادي بس بيستوي قبل ما يوضع داخل الصينيه😉👌🏻جربوها حقيقي تحفه😋

  • كيس معكرونه قلم أو نص كيلو
  • بصله وسط مقطعة صغير
  • 5 فلفل الوان
  • 3 فلفل حار(اختياري كالعاده) 🌶️
  • مكعب ماجي
  • فلفل اسود
  • رشه ملح
  • كيلو و نص حليب🍶
  • (أو لو هتستخدمي حليب بودر يبقى 8 ملاعق كبار) 🥄🥛
  • 7 ملاعق دقيق
  • 4 ملاعق سمنه او زبده
  • 2 مكعب ماجي
  • فلفل اسود
  • ملح
  1. في البدايه هنسلق المعكرونه عادي زي ما بنسلقها و نشطفها و نخليها على جنب😎
  2. الخضار🌶️😎هنشوح البصله في شويه زيت لحد ما تذبل و لونها يبقى ذهبي و نضيف عليها باقي المكونات الفلفل الحار و الفلفل الألوان و نقلبهم شويه مع بعض و نضيف عليها الفلفل الأسود و الملح و نضيف شويه ماء صغيرين و نغطي عليها لحد التسويه
  3. البشاميل🤗اول حاجه السمنه أو الزبده نسيحها على النار و نضيف عليها الدقيق و نقلبهم شويه مع بعض لحد ما الدقيق لونه يتغير شويه نضيف الحليب (أو الحليب البودرة و لتر و نص ماء) و نقلبهم و نستمر في التقليب لحد ما يتجانس مع بعض نضيف الماجي و الفلفل الأسود و الملح و نقلب لحد ما يبقى قوامه تقيل شويه و عادي لو في كتل دقيق ممكن نضربه في الخلاط بيبقى تحفه 😋
  4. في حله كبيره نضع المعكرونه و عليها الخضار و عليها نص البشاميل و نقلب كله في بعض و في الصينيه نضع الخليط اللي عملناه و عليه باقي البشاميل من فوق و على الوجه ممكن ملعقه سمنه او زبده أو قشطه اللي متوفر عندك و ممكن لو في جبنة موتزاريلا 😋😉😎و تشغلي عليها الشوايه بس لحد ما الوجه يتحمر شويه و بالهناااا على قلوبكم🤗😍😋😎💕
عجبتك الوصفة؟
شوف كل وصفاتنا في مكان واحد
كل الوصفات →